ધમકી મળ્યા પછીથી યુવકની સાથે-સાથે તેના પરિવારમાં ચિંતાનો માહોલ છે. યુવકે સાવચેતીના પગલાં રૂપે પોલીસમાં FIR નોંઘાવી દીધો છે અને પોતાની સાથે પરિવાર માટે પણ સુરક્ષાની માગ કરી છે.
પ્રતીકાત્મક તસવીર સૌજન્ય આઇસ્ટૉક
ગુજરાતમાં એક યુવકને કન્હૈયાલાલના સમર્થનમાં પોસ્ટ લખ્યા બાદ ધમકી મળી છે. સૂરતના રહેવાસી યુવરાજ પોખરાના (Yuvraj Pokhrana) નામની વ્યક્તિને ગળું કાપીને મારી નાખવાની ધમકી મળી ગઈ છે. ધમકી મળ્યા પછીથી યુવકની સાથે-સાથે તેના પરિવારમાં ચિંતાનો માહોલ છે. યુવકે સાવચેતીના પગલાં રૂપે પોલીસમાં FIR નોંઘાવી દીધો છે અને પોતાની સાથે પરિવાર માટે પણ સુરક્ષાની માગ કરી છે.
જાણો શું છે ઘટના
સૂરતમાં રહેવાસી યુવરાજે કહ્યું કે તેમના દાદા અને પિતા ઉદયપુરના રહેવાસી છે અને તે બધાં દરજીની હત્યાથી દુઃખી છે. પોખરાનાએ કહ્યું કે તેમણે સોશિયલ મીડિયા પર નોંધાયેલી હત્યાને લઈને કંઇક પ્રતિક્રિયા આપી હતી જેના પછી તેમને મારી નાખવાની ધમકી મળી છે. પોખરાનાએ કહ્યું કે તેમણે સૂરત પોલીસ સાથે વાત કરી છે અને એફઆઇઆર નોંધાવ્યો છે. તેમણે પોતાના પરિવાર માટે પોલીસ સુરક્ષાની પણ માગ કરી છે.
પોખરાજે કહ્યું કે, અમને કોઈ ઉશ્કેરવાનારી પ્રતિક્રિયા નથી આપી
પોખરાજે દાવો કરતા કહ્યું કે, મેં કોઈ ઉશ્કેરનારી પ્રતિક્રિયા આપી નહોતી. મેં માત્ર એટલું લખ્યું હતું કે એક સમુદાય વિશેષના લોકો દ્વારા કન્હૈયાલાલની નિર્મમ હત્યા કરી દેવામાં આવી હતી. આથી તે સમુદાયના કેટલાક લોકો નારાજ થઈ ગયા છે અને તેમણે મને મારી નાખવાની ધમકી આપવાની શરૂ કરી છે. એટલું જ નહીં તે લોકોએ કન્હૈયાલાલને પણ ગળું કાપવાની ધમકી આપી હતી.
રાજસ્થાનના ઉદયપુરમાં થઈ હતી દરજીની ગળું કાપીને હત્યા
જણાવવાનું કે ઉદયપુરમાં ભાજપની સસ્પેન્ડેડ પ્રવક્તા નૂપુર શર્માના સમર્થનમાં પોસ્ટ લખનારા દરજી કન્હૈયાલાલની ગળું કાપીને હત્યા કરી દેવામાં આવી હતી. જેના પછી આખા દેશમાં માહોલ ગરમાયું છે. મારી નાખવાની ધમકી મળ્યા બાદ કન્હૈયાએ પોલીસ પાસે સુરક્ષાની માગ કરી હતી. પણ પોલીસે સુરક્ષા આપવાને બદલે સુલહ કરાવી દીધી હતી.
