આ વખતે ગુજરાત ચૂંટણી(Gujarat Election 2022)માં 80થી 100 વર્ષના વરિષ્ઠ મતદાતાઓ માટે મતદાન કેન્દ્ર સુધી પહોંચવા વિશેષ વ્યવસ્થા કરવામાં આવી છે.
100 વર્ષના કમુબેને કર્યુ મતદાન
ગુજરાત વિધાનસભા ચૂંટણી(Gujarat Assembly Election 2022)માં પહેલા તબક્કા માટે 89 બેઠકો પર મતદાન યથાવત છે. વોટિંગ માટે યુવાઓથી લઈ વૃદ્ધ મતદાતાઓમાં ભારે ઉત્સાહ જોવા મળી રહ્યો છે. વલસાડ જિલ્લાના ઉમરગામમાં 100 વર્ષના કમુબેન લાલુભાઈ પટેલ( valsad Kamuben Patel Vote)એ પોલિંગ બુથ પર જઈને મતદાન કર્યુ. તો બીજી બાજુ ચોર્યાસી વિધાનસભાના સચિનના રહેવાસી 104 વર્ષીય ગંગાબેન, જે પોતાના વિધાનસભાના મતદારોમાં સૌથી વૃદ્ધ મતદાર છે, જેમણે પણ આજે પોતાના મતાધિકારનો ઉપયોગ કર્યો.
આ વખતે ગુજરાત ચૂંટણી(Gujarat Election 2022)માં 80થી 100 વર્ષના વરિષ્ઠ મતદાતાઓ માટે મતદાન કેન્દ્ર સુધી પહોંચવા વિશેષ વ્યવસ્થા કરવામાં આવી છે. ઈચ્છુક વૃદ્ધવર્ગ મતદારોને મતદાન કેન્દ્ર પર આવવાની અને ઘરે પરત મોકલવાની પણ વ્યવસ્થા છે. જો કોઈ મતદાન કેન્દ્ર પર આવવા સક્ષમ ન હોય તો ચૂંટણી અધિકારો તેમના ઘરે જઈને તેઓનો મત લઈ શકે તેવી સુવિધા પણ ઉપલબ્ધ છે. જેના માટે એક ફોર્મ ભરવાની પ્રક્રિયા રહેશે.
ADVERTISEMENT
મતદાન પહેલા એક કલાકમાં 4.92 ટકા મતદાન કરવામાં આવ્યું. સૌથી ઓછું મતદાન સુરતની કતારગામ બેઠક પર થયું છે. અહીંથી AAPના પ્રદેશ અધ્યક્ષ ગોપાલ ઈટાલિયા(Gopal Italia)ચૂંટણી લડી રહ્યાં છે. રાજ્યના 19 જિલ્લાની આ બેઠકો પર 788 ઉમેદવારો જંગની મેદાનમાં છે. પહેલા તબક્કામાં બે કરોડથી વધુ લોકો મતદાન કરશે. આજે જે બેઠકો પર ખાસ નજર રહેશે તે છે, જામગનર, મોરબી, કચ્છ, રાજકોટ, પોરબંદર અને જૂનાગઢ.
આ પણ વાંચો:Gujarat Election: સાઈકલ પર સિલિન્ડર લઈને મત આપવા પહોંચ્યા આ જાણીતા કોંગ્રેસ ઉમેદવાર
વડાપ્રધાન મોદીએ ગુજરાતમાં પહેલા તબક્કાના મતદાન માટે ટ્વિટ કર્યુ છે. તેમણે લખ્યું છે, "આજે ગુજરાત ચૂંટણીના મતદાનનો પહેલો તબક્કો છે. હું આજે મતદાન કરનાર તમામ લોકોને વિશેષરૂપથી પહેલીવાર મતદાન કરનાર મતદાતાઓને રેકોર્ડ સંખ્યામાં પોતાનો મતાધિકારનો પ્રયોગ કરવાનું આહ્વાન કરું છું.
