Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > આ વખતે પવન અણધાર્યો છે : મતદાનમથકેથી લાઇવ

આ વખતે પવન અણધાર્યો છે : મતદાનમથકેથી લાઇવ

02 December, 2022 10:51 AM IST | Ahmedabad
Kiran Joshi | feedbackgmd@mid-day.com

બુમરાણ મચાવનારાઓને ખબર નથી કે મતકુટિરમાં ગયા પછી ઉમેદવારે ખરીદેલો મતદાર એ જ ઉમેદવારને મત આપશે એવું ખાતરીપૂર્વક કહી શકાય નહીં

પ્રતીકાત્મક તસવીર (તસવીર સૌજન્ય : આઇસ્ટૉક) ઇધર-ઉધર કી

પ્રતીકાત્મક તસવીર (તસવીર સૌજન્ય : આઇસ્ટૉક)


૧૦૦-૨૦૦ની નોટ, ચવાણાનાં પડીકાં અને દેશી દારૂની પોટલીના બદલામાં કીમતી મત સસ્તા ભાવમાં અને પવિત્ર મત અપવિત્ર થઈને વેચાઈ જાય છે, એવો શોર મચાવવામાં આવે છે. આ પ્રકારની બુમરાણ મચાવનારાઓને ખબર નથી કે મતકુટિરમાં ગયા પછી ઉમેદવારે ખરીદેલો મતદાર એ જ ઉમેદવારને મત આપશે એવું ખાતરીપૂર્વક કહી શકાય નહીં.

આજે ગુજરાતના કેટલાક જિલ્લાઓમાં મતદાન ચાલી રહ્યું છે. આવા જ એક મતદાન મથકેથી એક મતદાર સાથે કરેલી (કાલ્પનિક) વાતચીત અહીં પેશ કરીએ છીએ...



પત્રકાર : મતદાન કરી આવ્યા?


ગ્રામજન : ભાઈ, અહીં લગ્નનો જમણવાર તો ચાલતો નથી કે હું જમવા આવ્યો હોઉં. મતદાન કરવા માટે જ આવ્યો છું ને મતદાન કરી પણ આવ્યો.

પત્રકાર : શું લાગે છે? કોણ જીતશે?


ગ્રામજન : ક્રોએશિયા એકેય મૅચ હાર્યું નથી એટલે એ આજની મૅચમાં બેલ્જિયમ સામે આસાનીથી જીતી જશે એમ લાગે છે.

પત્રકાર : વડીલ, હું ફુટબૉલ વર્લ્ડ કપની મૅચની વાત નથી કરતો. હું એમ પૂછવા માગું છું કે તમારા વિસ્તારમાં કોણ જીતશે?

ગ્રામજન : અમારા વિસ્તારમાં કોણ જીતશે એ જાણવા-સમજવા માટે અમે ટિકિટોની વહેંચણી થઈ ત્યારથી ટીવીમાં સમાચાર જોજો કરીએ છીએ અને નવાઈની વાત એ છે કે તમે ટીવી સમાચારવાળા અમારી પાસેથી એ જ જાણકારી મેળવવા અમારી પાસે આવો છો.

પત્રકાર : પવન કઈ તરફનો ફૂંકાઈ રહ્યો છે એ જાણવા માટે આ સવાલ કરવો જરૂરી છે.

ગ્રામજન : ઓકે. ચાલો, હું કહું કે ચાની કીટલીની નિશાનીવાળો અપક્ષ ઉમેદવાર જીતી જશે એમ લાગે છે, તો તમે માની લેશો?

પત્રકાર : એવું તો થોડું હોય? આ બેઠક પર ત્રિપાંખિયો જંગ છે એટલે કાં તો બીજેપી જીતશે, કાં તો કૉન્ગ્રેસ જીતે અને કાં તો આપ જીતશે. આમાં ચાની કીટલી વચ્ચે ક્યાંથી આવી?

ગ્રામજન : કેમ? અપક્ષ ન જીતી શકે? ન કરે નારાયણ ને નરેન્દ્ર મોદીને તેમની પાર્ટી ટિકિટ ન આપે અને તે બનારસ કે વડોદરાથી ચૂંટણી લડે તો ન જીતી જાય? 

પત્રકાર : બેશક, નરેન્દ્ર મોદી જીતી જ જાય. બન્ને બેઠકો પરથી જીતી જાય, પણ તમે અપક્ષ ઉમેદવારને જિતાડવા આટલી હદે તલપાપડ કેમ છો? શું તે તમારા કોઈ સગા છે?

ગ્રામજન : ના, એ મારા કોઈ સગા કે વહાલા નથી. ચાની કીટલીના નિશાન પર ચૂંટણી લડી રહેલો એ અપક્ષ ઉમેદવાર હું પોતે જ છું.

Whatsapp-channel Whatsapp-channel

02 December, 2022 10:51 AM IST | Ahmedabad | Kiran Joshi

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK