° °

આજનું ઇ-પેપર
Wednesday, 28 July, 2021


ગામડાંઓની મહિલાઓને ફ્રીમાં પ્લૉટ : મકાન બાંધવા એક લાખની લોન મળશે

23 August, 2012 05:46 AM IST |

ગામડાંઓની મહિલાઓને ફ્રીમાં પ્લૉટ : મકાન બાંધવા એક લાખની લોન મળશે

ગામડાંઓની મહિલાઓને ફ્રીમાં પ્લૉટ : મકાન બાંધવા એક લાખની લોન મળશે

plotsરશ્મિન શાહ

રાજકોટ, તા. ૨૩

એકસાથે ચૂંટણીઢંઢેરો જાહેર કરવાને બદલે કૉન્ગ્રેસના ઇતિહાસમાં પહેલી વખત હપ્તાવાર ચૂંટણીવચનો જાહેર કરી રહેલી ગુજરાત કૉન્ગ્રેસે ગઈ કાલે અમદાવાદ, રાજકોટ, સુરત અને વડોદરા શહેરમાં એકસાથે પ્રેસ-કૉન્ફરન્સ કરીને પોતાનું ચોથું ચૂંટણીવચન જાહેર કર્યું હતું. ખાસ ગામડાના લોકોને ધ્યાનમાં રાખીને તૈયાર કરવામાં આવેલા આ ચૂંટણીવચનમાં ગુજરાત કૉન્ગ્રેસે એવું વચન આપ્યું હતું કે જો ગુજરાતમાં કૉન્ગ્રેસનું શાસન આવશે તો ગામડામાં રહેતી મહિલાઓને ૧૦૦ ચોરસ મીટરનો પ્લૉટ નિ:શુલ્ક આપવામાં આવશે અને એ પ્લૉટ પર ૩૦ ચોરસ મીટરનું બાંધકામ કરી શકે એવું મકાન બનાવવા માટે ૧,૦૦,૦૦૦ રૂપિયાની લોન આપવામાં આવશે, જે તેમણે ૧૫ વર્ષમાં પૂરી કરવાની રહેશે. રાજકોટની પ્રેસ-કૉન્ફરન્સ માટે રાજકોટ આવેલા ગુજરાત કૉન્ગ્રેસના સિનિયર નેતા અને ગુજરાતના ભૂતપૂર્વ ડેપ્યુટી ચીફ મિનિસ્ટર નરહરિ અમીને કહ્યું હતું કે ‘આ યોજના અંતગર્ત અમે ૧૫,૦૦,૦૦૦ પ્લૉટની ફાળવણી કરીશું. એને લીધે ગુજરાતના ગ્રામીણ વિસ્તારોમાં રહેતી મહિલાઓનું પોતાનું ઘર થશે.’

કૉન્ગ્રેસે ગુજરાતનાં ગામડાંઓમાં રહેલાં કાચાં મકાનોની વિગતો સાથે ગુજરાત સરકાર દ્વારા ઉદ્યોગોને આપવામાં આવેલી જમીનોની વિગત પણ ખુલ્લી મૂકી હતી. ગુજરાત વિધાનસભાના વિરોધપક્ષના નેતા શક્તિસિંહ ગોહિલે કહ્યું હતું કે ‘ઇન્દિરા આવાસ યોજના અને સરદાર આવાસ યોજના હેઠળ આ ઘરો બનાવવામાં આવશે. આ યોજના ચાલુ જ

હતી, પણ બીજેપીની સરકારે ૧૯૯૫થી આ યોજના બંધ કરીને ઉદ્યોગોને જમીનની લહાણી શરૂ કરી દીધી હતી.’

ગુજરાત કૉન્ગ્રેસે કુલ ૧૨ હપતામાં ચૂંટણીઢંઢેરો જાહેર કરવાનું નક્કી કર્યું હતું, જે પૈકી ગઈ કાલે ચોથા વચનની જાહેરાત થઈ હતી. હવે સાત હપ્તા બાકી છે.

23 August, 2012 05:46 AM IST |

અન્ય લેખો

ગુજરાત સમાચાર

સોમનાથ મંદિર પર ધ્વજા ચડાવવાનો લહાવો ભાવિકો જાતે લઈ શકશે

આ સિસ્ટમ પાટીદાર અગ્રણી નરેશ પટેલે સોમનાથ મંદિરને અર્પણ કરી છે અને તેમણે ધ્વજાપૂજા કરીને સોમનાથદાદાને ધ્વજા ચડાવી હતી.

27 July, 2021 03:28 IST | Ahmedabad | Shailesh Nayak
ગુજરાત સમાચાર

હવે ગુજરાતમાં વરસાદ તારાજીના મૂડમાં

વેસ્ટર્ન ડિસ્ટર્બન્સની સાથે મૉન્સૂન સિસ્ટમ ઍક્ટિવ થવાને લીધે ગઈ કાલે રાજકોટ, જામનગર, મહેસાણા, પંચમહાલ અને સુરત જિલ્લામાં ૭થી ૧૮ ઇંચ વરસાદ

27 July, 2021 02:34 IST | Rajkot | Rashmin Shah
ગુજરાત સમાચાર

ગ્રીનમેન વિરલ દેસાઈ દ્વારા અયોધ્યાના મંદિરના માનમાં ભવ્ય રામવન તૈયાર થશે

સુરતનાં હાર્ટ્સ એટ વર્ક ફાઉન્ડેશન દ્વારા આદિવાસી બાળકોના શિક્ષણ માટે કામ કરતી સંસ્થા ‘સરદાર વલ્લભભાઈ પટેલ સ્મૃતિ ટ્રસ્ટ’ સાથે પર્યાવરણીય કાર્યો માટે એમઓયુ થયા છે

26 July, 2021 02:26 IST | Mumbai | Partnered Content

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK