° °

આજનું ઇ-પેપર
Saturday, 08 May, 2021


ઇસ્લામવિરોધી અમેરિકી ફિલ્મના મુદ્દે અમદાવાદમાં ઠેર ઠેર આગજની

04 October, 2012 03:11 AM IST |

ઇસ્લામવિરોધી અમેરિકી ફિલ્મના મુદ્દે અમદાવાદમાં ઠેર ઠેર આગજની

ઇસ્લામવિરોધી અમેરિકી ફિલ્મના મુદ્દે અમદાવાદમાં ઠેર ઠેર આગજની



અમેરિકાની વિવાદાસ્પદ ફિલ્મ ‘ઇનોસન્સ ઑફ મુસ્લિમ્સ’ના વિરોધમાં ગઈ કાલે અમદાવાદમાં એક હિંસક ટોળાએ અનેક વાહનોને આગ ચાંપી દીધી હતી. ૧૫૦૦ કરતાં વધુ લોકોના ટોળાએ પોલીસની મંજૂરી વગર રૅલી કાઢ્યા બાદ કહેવાય છે કે પોલીસ અને ટોળામાં સામેલ એક વ્યક્તિ સાથે કોઈક મુદ્દે બબાલ થયા બાદ બેકાબૂ બનેલા ટોળાએ કારંજ વિસ્તારમાં આવેલા મહિલા પોલીસ-સ્ટેશનનું ફર્નિચર બાળવા ઉપરાંત બે સરકારી વેહિકલ સહિત એક ડઝન જેટલાં વાહનોને આગ ચાંપીને પથ્થરમારો કર્યો હતો. જોકે પોલીસે ટિયર ગૅસના સેલ છોડીને મામલો થાળે પાડીને વણસતી જતી પરિસ્થિતિ પર ભારે જહેમત બાદ કાબૂ મેળવ્યો હતો.

અમદાવાદમાં ગઈ કાલે શાહપુર, ખાનપુર, કારંજ સહિતના કેટલાક મુસ્લિમ બહુમતી ધરાવતા વિસ્તારોમાં વિવાદાસ્પદ ફિલ્મના પગલે બંધ પાળવામાં આવ્યો હતો. બપોરે દોઢ-બે વાગ્યાના અરસામાં લાલ દરવાજા પાસે સરદાર બાગ નજીક અંદાજે ૧૫૦૦થી વધુ માણસો એકઠા થયા હતા અને પોલીસની મંજૂરી વગર તેમણે રૅલી કાઢી હતી. આ ટોળું ગાંધી રોડ પર આવેલી જુમ્મા મસ્જિદ પાસે ગયું હતું જ્યાં કોઈક મુદ્દે પોલીસ અને ટોળામાં સામેલ એક વ્યક્તિ વચ્ચે બોલાચાલી થતાં મામલો બિચક્યો હતો અને જોતજોતાંમાં ટોળું બેકાબૂ બન્યું હતું. એક ટોળું કારંજ વિસ્તારમાં આવેલા મહિલા પોલીસ-સ્ટેશન પાસે પહોંચ્યું હતું.

અમદાવાદ ફાયર-બ્રિગેડના ઍડિશનલ ફાયર-ઑફિસર રાજેશ ભટ્ટે ‘મિડ-ડે’ને કહ્યું હતું કે ‘તોફાનમાં મહિલા પોલીસ-સ્ટેશનનું ફર્નિચર બાયું હતું તેમ જ ત્યાં એક જીપ્સી, આઠ બાઇક તેમ જ ત્રણ સાઇકલ સળગાવી દીધી હતી. એ ઉપરાંત રિલીફ સિનેમા પાસે એક સરકારી સુમો વેહિકલ સળગાવ્યું હતું.’










04 October, 2012 03:11 AM IST |

અન્ય લેખો

ગુજરાત સમાચાર

અમદાવાદમાં ત્રણ જ દિવસની કોરોનાગ્રસ્ત બાળકીને સર્જરી કરીને બચાવી લેવાઈ

ગુજરાતમાં કોરોનાના કેરથી બાળકો પણ બચી શક્યાં નથી

08 May, 2021 10:09 IST | Ahmedabad | Gujarati Mid-day Correspondent
ગુજરાત સમાચાર

સૂરતમાં સાધ્વીની અંતિમ યાત્રામાં પાંચ કિમી ચાલ્યો કૂતરો

જ્યારે સાધ્વીના અગ્નિ સંસ્કાર કરવામાં આવ્યા, ત્યારે પણ તે કૂતરો નજીક જ ઊભો રહ્યો.

07 May, 2021 05:21 IST | Mumbai | Gujarati Mid-day Online Correspondent
ગુજરાત સમાચાર

સુરતમાં મેયરનો વિરોધ થતાં સ્થળ છોડી જતાં રહેવું પડ્યું

પુણાગામ વિસ્તારની વાઇરલ થયેલી વિડિયો ક્લિપમાં લોકો કહેતા દેખાયા કે આપણા કાર્યકરો મરી જાય છે રેમડેસિવિર ઇન્જેક્શન વગર, એની પહેલા તમે વ્યવસ્થા કરો

07 May, 2021 01:10 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK