Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > ભરશિયાળામાં ગુજરાતના ૯ તાલુકામાં પડ્યો કમોસમી વરસાદ

ભરશિયાળામાં ગુજરાતના ૯ તાલુકામાં પડ્યો કમોસમી વરસાદ

23 January, 2022 09:13 AM IST | Ahmedabad
Shailesh Nayak | shailesh.nayak@mid-day.com

સંખેડા, ધ્રોલ, ડભોઈ, કરજણ, ચુડા, છોટાઉદેપુર, લીમડી, થાનગઢ અને બોડેલીમાં માવઠું થયું : ખેડૂતો થયા પરેશાન

ફાઇલ તસવીર Weather Updates

ફાઇલ તસવીર


ભરશિયાળા વચ્ચે ગઈ કાલે સાંજે ચાર વાગ્યા સુધીમાં ગુજરાતના નવ તાલુકામાં કમોસમી વરસાદ પડ્યો હતો. બીજી તરફ સૌરાષ્ટ્રના જામનગર અને દ્વારકાના દરિયામાં કરન્ટ જોવા મળ્યો હતો અને મોજાં ઊછળ્યાં હતાં. આટલું ઓછું હોય એમ આગામી બે દિવસ ગુજરાતમાં ઠંડીનું જોર વધે એવી આગાહી કરવામાં આવી છે.
ગઈ કાલે ગુજરાતમાં છોટાઉદેપુર, જામનગર, વડોદરા અને સુરેન્દ્રનગર જિલ્લામાં માવઠું થયું હતું. સાંજે ચાર વાગ્યા સુધીમાં સંખેડા, ધ્રોલ, ડભોઈ, કરજણ, ચુડા, છોટાઉદેપુર, લીમડી, થાનગઢ અને બોડેલીમાં કમોસમી વરસાદ પડ્યો હતો. જોકે આ તાલુકાઓમાં હળવો વરસાદ પડ્યો હતો. છોટાઉદેપુર અને સુરેન્દ્રનગરના ત્રણ-ત્રણ તાલુકામાં કમોસમી વરસાદ પડ્યો હતો. માવઠાના કારણે ખેડૂતો મુશ્કેલીમાં મુકાયા હતા અને ઊભા પાકને નુકસાન થવાની ભીતિ વ્યક્ત કરાઈ હતી. આવી સ્થિતિમાં તેઓ સરકાર પાસેથી મદદની અપેક્ષા રાખી રહ્યા છે.
ગઈ કાલે જામનગર અને દ્વારકાના દરિયામાં મોસમની અસર થઈ હતી અને ભારે પવન ફૂંકાયો હતો. દ્વારકા, જામનગર, ઓખા અને સલાયા બંદરે દરિયામાં મોજાં ઊછળ્યાં હતાં. એમાં પણ દ્વારકાના દરિયાકિનારે ૮થી ૧૦ ફુટનાં મોજાં ઊછળ્યાં હતાં. 
સત્તાવાળાઓ દ્વારા માછીમારોને દરિયો ન ખેડવા સૂચના અપાઈ હતી.


Whatsapp-channel Whatsapp-channel

23 January, 2022 09:13 AM IST | Ahmedabad | Shailesh Nayak

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK