અગાઉ ગયા વર્ષે સપ્ટેમ્બરમાં ગુજરાતના દરિયાકાંઠે એક બોટ ઝડપાઈ હતી. તેમાં પાકિસ્તાનના 12 ક્રૂ મેમ્બર હતા.
પ્રતીકાત્મક તસવીર
કોસ્ટ ગાર્ડે ગુજરાતના દરિયાકાંઠેથી અરબી સમુદ્રમાંથી 10 પાકિસ્તાની નાગરિકોની ધરપકડ કરી છે. આ તમામ પાકિસ્તાની બોટ ‘યાસીન’માં સવાર હતા. આ ઘટના 8 જાન્યુઆરીની રાત્રે બની હતી. ઓપરેશનના ભાગરૂપે કોસ્ટ ગાર્ડે તેઓને પકડી લીધા હતા. બોટને હાલ પૂછપરછ માટે પોરબંદર લાવવામાં આવી છે.
આ પહેલીવાર નથી જ્યારે પાકિસ્તાની બોટ પકડાઈ હોય, અગાઉ ગયા વર્ષે સપ્ટેમ્બરમાં ગુજરાતના દરિયાકાંઠે એક બોટ ઝડપાઈ હતી. તેમાં પાકિસ્તાનના 12 ક્રૂ મેમ્બર હતા.
ADVERTISEMENT
બે દિવસમાં બીજી વખત પાકિસ્તાની બોટ પકડાઈ છે. આ પહેલા શુક્રવારે પંજાબના ફિરોઝપુર જિલ્લામાં બોર્ડર પર BSFએ પાકિસ્તાનની એક બોટ પકડી હતી. ન્યૂઝ એજન્સી એએનઆઈ સાથે વાત કરતા બીએસએફના એક અધિકારીએ જણાવ્યું હતું કે પેટ્રોલિંગ દરમિયાન આંતરરાષ્ટ્રીય સરહદ પર બોટ પકડાઈ હતી. આવી બોટનો ઉપયોગ કરીને ડ્રગ્સનો કન્સાઈનમેન્ટ લઈ જવામાં આવે છે. શિયાળા દરમિયાન, પાકિસ્તાનીઓ ગાઢ ધુમ્મસનો લાભ ઉઠાવે છે અને ડ્રગ્સ સપ્લાય કરે છે. તમને જણાવી દઈએ કે તાજેતરના દિવસોમાં પંજાબમાં પાકિસ્તાનના ઘણા ડ્રોન પકડાયા છે.
તાજેતરના દિવસોમાં, એવું જોવામાં આવ્યું છે કે પાકિસ્તાન દરિયાઈ માર્ગે ભારત સહિત અન્ય દેશોમાં ડ્રગ્સના કન્સાઇનમેન્ટ પહોંચાડવાનો પ્રયાસ કરી રહ્યું છે. ગયા મહિને, ભારતીય કોસ્ટ ગાર્ડ અને ગુજરાત ATS દ્વારા સંયુક્ત ઓપરેશન હાથ ધરવામાં આવ્યું હતું અને ભારતીય જળસીમામાં પાકિસ્તાની બોટ અલ હુસેનીને પકડી હતી. તેની તલાશી દરમિયાન તેમાંથી 77 કિલો હેરોઈન મળી આવ્યું હતું. આંતરરાષ્ટ્રીય બજારમાં તેની કિંમત આશરે 400 કરોડ રૂપિયા આંકવામાં આવી હતી. આ દરમિયાન પાકિસ્તાની બોટમાંથી 6 લોકો પણ ઝડપાયા હતા.
