° °

આજનું ઇ-પેપર
Monday, 08 August, 2022


આવતા અડતાલીસ કલાક સૌરાષ્ટ્ર-કચ્છ જવાનું ટાળજો

06 July, 2022 11:39 AM IST | Mumbai
Gujarati Mid-day Correspondent | feedbackgmd@mid-day.com

મૉન્સૂન સિસ્ટમ ડેવલપ થતાં સૌરાષ્ટ્ર-કચ્છમાં આગામી અડતાલીસ કલાકમાં ભારેથી અતિભારે વરસાદ પડવાની ભારોભાર સંભાવના છે

પ્રતીકાત્મક તસવીર Gujarat Rains

પ્રતીકાત્મક તસવીર


પાકિસ્તાન તરફ ફેંકાઈ જતાં વાદળોને કારણે ગુજરાત છેલ્લા એક વીકથી મૉન્સૂનના આરંભની રાહ જોતું હતું પણ ગઈ કાલે મૉન્સૂન સિસ્ટમ ડેવલપ થતાં અને અરબી સમુદ્ર પર સાયક્લોનિક પ્રેશર જનરેટ થતાં મેઘમહેર ગુજરાત અને ખાસ તો સૌરાષ્ટ્ર-કચ્છ પર જોવા મળી હતી. ગુજરાત હવામાન વિભાગની આગાહી મુજબ આવતા અડતાલીસ કલાક દરમ્યાન સિસ્ટમ અકબંધ રહેવાની હોવાથી આવતા અડતાલીસ કલાક દરમ્યાન સૌરાષ્ટ્ર-કચ્છમાં ભારેથી અતિભારે વરસાદની પૂરી શક્યતા છે.
ગઈ કાલે ગુજરાતના જૂનાગઢ, પોરબંદર, અમરેલી સહિતના ત્રીસ જિલ્લાના ૧પ૬ તાલુકાઓમાં અડધાથી પાંચ ઇંચ વરસાદ પડ્યો હતો. સૌથી વધારે વરસાદ જૂનાગઢ અને પોરબંદરમાં પડ્યો હતો, જ્યારે ગઈ કાલે પહેલી વાર કચ્છમાં પણ વરસાદનું આગમન થયું હતું. જૂનાગઢ જિલ્લામાં એકથી પાંચ વરસાદ હતો, જ્યારે પોરબંદર જિલ્લામાં બેથી ચાર ઇંચ વરસાદ પડ્યો હતો તો રાજકોટમાં અષાઢી માહોલ વચ્ચે માત્ર ચાલીસ મિનિટમાં અઢી ઇંચ વરસાદ પડ્યો હતો. આ ઉપરાંત દક્ષિણ ગુજરાતના પલસાણા અને ચોર્યાસી તાલુકામાં ચાર ઇંચ વરસાદ પડ્યો હતો. 
ગઈ કાલે પડેલા વરસાદના કારણે ગુજરાતના ડૅમોમાં પહેલી વાર નવા પાણીની આવક થતાં ગુજરાત સરકારે પણ રાહત અનુભવી હતી. ઉત્તર ગુજરાતમાં પીવાનું પાણી સપ્લાય કરતા ડૅમોમાંથી પંદર ડૅમમાં ૧૨ ટકાથી પણ ઓછું પાણી છે. ગઈ કાલે ઉત્તર ગુજરાતમાં પણ એકથી અઢી ઇંચ વરસાદ પડતાં સ્વાભાવિક રીતે લોકોનો ઉચાટ ઓસર્યો હતો.

06 July, 2022 11:39 AM IST | Mumbai | Gujarati Mid-day Correspondent

અન્ય લેખો

ગુજરાત સમાચાર

આઈઆઈએફડીના ઇન્ટીરિયર એક્સીબીશન અરાસા ઔર ફેશન એક્સીબિશન ગાબાનો આરંભ

આઈઆઈએફડીના ફાઉન્ડર ડાયરેક્ટર મુકેશ માહેશ્વરી એ જણાવ્યું હતું કે આઈઆઈએફડીની સ્થાપના વર્ષ  2014માં થઈ હતી. જે ફેશન, ઇન્ટીરિયર, ગ્રાફિક ડિઝાઇન અને ઇવેન્ટ મેનેજમેન્ટ વગેરે કોર્સ ચલાવે છે.

08 August, 2022 01:41 IST | Mumbai | Partnered Content
ગુજરાત સમાચાર

ઈન્ડિયા બુક ઑફ રેકોર્ડ દ્વારા ઉધનાને ગ્રીન રેલવે સ્ટેશનનો રેકોર્ડ એનાયત થયો

ઉધના સ્ટેશન દેશ, એશિયા અને દુનિયાનું સૌથી પહેલું ગ્રીન રેલવે સ્ટેશન બન્યું છે, જે ક્લાયમેટ ચેન્જની દિશામાં કાર્યરત હોય. 

08 August, 2022 01:32 IST | Mumbai | Partnered Content
ગુજરાત સમાચાર

કેજરીવાલ ગુજરાતમાં આદિવાસી કાર્ડ રમ્યા

આપના સુપ્રીમોએ ખાસ કરીને ‘પેસા’ ઍક્ટના અમલ તેમ જ દરેક આદિવાસી ગામમાં સ્કૂલ, મફત સારવાર, ઘર, રસ્તાની સુવિધા અને કાસ્ટ સર્ટિફિકેટની પ્રક્રિયાને સરળ બનાવવાનાં વચન આપ્યાં

08 August, 2022 09:18 IST | Vadodara | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK