° °

આજનું ઇ-પેપર
Sunday, 11 April, 2021

ગુજરાતમાં સ્થાનિક સ્વરાજ્યની ચૂંટણીમાં પણ ભગવો લહેરાયો

03 March, 2021 10:04 AM IST | Ahmedabad | Gujarati Mid-day Correspondent

ગુજરાતમાં સ્થાનિક સ્વરાજ્યની ચૂંટણીમાં પણ ભગવો લહેરાયો

પ્રતીકાત્મક તસવીર

પ્રતીકાત્મક તસવીર

ગુજરાતમાં ગઈ કાલે સ્થાનિક સ્વરાજ્યની ચૂંટણીની મતગણતરી યોજાઈ હતી જેમાં ૩૧ જિલ્લા પંચાયતો, ૨૩૧ તાલુકા પંચાયતો અને ૮૧ નગરપાલિકાઓની ચૂંટણીમાં બીજેપીએ બહુમતી મેળવી છે. સ્થાનિક સ્વરાજ્યની ચૂંટણીમાં જાણે કે બીજેપી-રૂપી સુનામીએ કૉન્ગ્રેસને ધ્વસ્ત કરી નાખી હતી. મોંઘવારી, ખેડૂતોના પ્રશ્નો, બેકારી સહિતની સમસ્યાઓને કોરાણે મૂકીને ગ્રામીણ તેમ જ નાનાં શહેરોના મતદારોએ બીજેપી પર વિશ્વાસ મૂકીને ખોબલે-ખોબલે મત આપ્યા હતા જેના પગલે ગુજરાતમાં સ્થાનિક સ્વરાજ્યની ચૂંટણીમાં બીજેપીએ ભવ્ય જીત હાંસલ કરી છે.

ગઈ કાલે સાંજે સવાસાત વાગ્યા સુધીમાં ૩૧ જિલ્લા પંચાયતોની ચૂંટણીમાં બીજેપીએ ૭૭૫ બેઠકો જ્યારે કૉન્ગ્રેસે ૧૬૯ બેઠકો જીતી છે. ૨૩૧ તાલુકા પંચાયતોની ચૂંટણીમાં બીજેપીએ ૩૨૪૦ બેઠકો જ્યારે કૉન્ગ્રેસે ૧૨૪૭ બેઠકો, આમ આદમી પાર્ટીએ ૩૧ બેઠકો જીતીને ગ્રામીણ વિસ્તારમાં પગપેસારો કર્યો છે. બસપાને ૬ બેઠકો મળી છે. ૮૧ નગરપાલિકાઓની ચૂંટણીમાં બીજેપીએ ૧૯૯૩ બેઠક, કૉન્ગ્રેસે ૩૮૬ બેઠક, આપને ૯ સમાજવાદી પાર્ટીને ૧૪ AIMIMને ૧૭ અને બસપાને ૬ બેઠકો મળી છે.

ગુજરાતમાં મ્યુનિસિપલ કૉર્પોરેશનની ચૂંટણીમાં હારનો સામનો કર્યા બાદ સ્થાનિક સ્વરાજ્યની ચૂંટણીમાં પણ કૉન્ગ્રેસને પરાજય મળ્યો છે. જાણે કે કૉન્ગ્રેસના હાથમાં જીતની લકીર ન હોય તેમ ગુજરાતમાં યોજાયેલી ઉપરાઉપરી ચૂંટણીમાં કૉન્ગ્રેસ હારી ગઈ છે. સ્થાનિક સ્વરાજ્યની ચૂંટણીમાં કૉન્ગ્રેસને જીતની આશા હતી, પરંતુ જિલ્લા અને તાલુકા પંચાયતો તેમ જ નગરપાલિકાઓની ચૂંટણીનાં જે પરિણામો સામે આવ્યાં છે તેનાથી કૉન્ગ્રેસની ઊંઘ ઊડી ગઈ છે. ગુજરાત કૉન્ગ્રેસના પ્રદેશપ્રમુખ અમિત ચાવડા અને ગુજરાત વિધાનસભાના વિપક્ષી નેતા પરેશ ધાનાણીએ હારનો સ્વીકાર કરીને તેમના હોદ્દા પરથી રાજીનામું આપી દીધું છે અને હાઈ કમાન્ડે તેનો સ્વીકાર કર્યો છે. જોકે જ્યાં સુધી અન્ય કોઈ વ્યક્તિની નિમણૂક ન થાય ત્યાં સુધી તેઓ હોદ્દા પર ચાલુ રહેશે.

03 March, 2021 10:04 AM IST | Ahmedabad | Gujarati Mid-day Correspondent

અન્ય લેખો

ગુજરાત સમાચાર

ગુજરાતમાં જનતાના એકત્રિત થવા પર રોક, પણ નેતાઓનો કાર્યક્રમ બેરોકટોક

નવનિર્મિત પ્રવેશદ્વારનું નીતિન પટેલના હસ્તે ઉદ્ઘાટન કરવામાં આવ્યું ત્યારે સમારંભમાં મોટી સંખ્યામાં મહેમાનોની હાજરી

09 April, 2021 11:13 IST | Mehsana | Gujarati Mid-day Correspondent
ગુજરાત સમાચાર

ગુજરાતમાં ટેરર મૉડ્યુલનો પર્દાફાશ

આ કેસમાં વિદેશસ્થિત બાબા પઠાણનું નામ સામે આવ્યું જે સ્લીપર સેલ જેવું કામ કરે છે.

08 April, 2021 12:21 IST | Ahmedabad | Shailesh Nayak
ગુજરાત સમાચાર

ગુજરાતનાં નાનાં શહેરો અને ગામોમાં સ્વયંભૂ બંધનો નિર્ણય

વડોદરા વેપાર વિકાસ અસોસિએશને સાત દિવસ લૉકડાઉન રાખવા અપીલ કરી

08 April, 2021 11:32 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK