° °

આજનું ઇ-પેપર
Monday, 04 July, 2022


વડાપ્રધાન મોદી ટિપ્પણી મામલે આસામની કોર્ટે જીગ્નેશ મેવાણીને જામીન કર્યા મંજૂર, જાણો વધુ

25 April, 2022 04:27 PM IST | Mumbai
Gujarati Mid-day Online Correspondent | gmddigital@mid-day.com

કોર્ટે વડાપ્રધાન નરેન્દ્ર મોદી વિરુદ્ધ વાંધાજનક ટ્વીટ કરવાના મામલે આસામમાંથી ધરપકડ કરાયેલા ગુજરાતના ધારાસભ્ય જીગ્નેશ મેવાણીને જામીન આપ્યા છે.

જીગ્નેશ મેવાણી (તસવીર: PTI)

જીગ્નેશ મેવાણી (તસવીર: PTI)

આસામ: આસામની કોકરાઝાર કોર્ટે વડાપ્રધાન નરેન્દ્ર મોદી વિરુદ્ધ વાંધાજનક ટ્વીટ કરવાના મામલે આસામમાંથી ધરપકડ કરાયેલા ગુજરાતના ધારાસભ્ય જીગ્નેશ મેવાણીને જામીન આપ્યા છે. તેને એક દિવસ પહેલા જ કોર્ટે જ્યુડિશિયલ કસ્ટડીમાં મોકલી દીધો હતો. કોંગ્રેસના ધારાસભ્ય અને દલિત નેતા જીગ્નેશ મેવાણીની બુધવારે રાત્રે સાડા અગિયાર વાગ્યે પાલનપુર સર્કિટ હાઉસમાંથી આસામ પોલીસે ધરપકડ કરી હતી. જ્યાંથી તેને આસામ લઈ જવામાં આવ્યો હતો.

ઉલ્લેખનીય છે કે પીએમ નરેન્દ્ર મોદી વિરુદ્ધ વાંધાજનક ટિપ્પણી કરવા બદલ આસામ પોલીસે મેવાણી વિરુદ્ધ કેસ નોંધ્યો હતો. મળતી માહિતી મુજબ, મેવાણીને રોડ માર્ગે અમદાવાદ લઈ જવામાં આવ્યા હતા, ત્યાંથી તેમને ટ્રેન દ્વારા આસામના ગુવાહાટી અને પછી રોડ માર્ગે કોકરાઝાર લાવવામાં આવ્યા હતા. તેઓ વડગામના કોંગ્રેસના ધારાસભ્ય છે. તેમણે પોતાના ટ્વિટમાં દાવો કર્યો છે કે, "ગોડસેને ભગવાન માનતા વડાપ્રધાન નરેન્દ્ર મોદીએ ગુજરાતમાં સાંપ્રદાયિક સંઘર્ષ સામે શાંતિ અને સૌહાર્દની અપીલ કરવી જોઈએ."


ઉપરોક્ત ટ્વીટના સંદર્ભમાં મેવાણી સામે IPC કલમ 120B (ગુનાહિત કાવતરું), 153 (A) (બે સમુદાયો સામે દુશ્મનાવટને પ્રોત્સાહન આપવું), 295 (A) અને 504 (શાંતિ ભંગ કરવા માટે ઉશ્કેરવાના હેતુથી વસ્તુઓ કહેવું) ટ્વિટ અને આઈટી એક્ટની વિવિધ કલમો હેઠળ કેસ નોંધવામાં આવ્યો હતો.

25 April, 2022 04:27 PM IST | Mumbai | Gujarati Mid-day Online Correspondent

અન્ય લેખો

ગુજરાત સમાચાર

ગામ બેટમાં ફેરવાયું

બોરસદ તાલુકામાં ભારે વરસાદથી એક વ્યક્તિ અને ૯૦ પશુઓનાં મૃત્યુ : ગુજરાતના મુખ્ય પ્રધાન ભૂપેન્દ્ર પટેલે વરસાદગ્રસ્ત સીસવા ગામની સ્થિતિની માહિતી મેળવી 

03 July, 2022 12:43 IST | Ahmedabad | Gujarati Mid-day Correspondent
ગુજરાત સમાચાર

ગુજરાતમાં મેઘરાજાએ જમાવટ કરી

દિયોદરમાં આઠ ઇંચ, જ્યારે ડીસા અને અમીરગઢમાં પાંચ ઇંચ જેટલો વરસાદ પડ્યો, ૫૦ તાલુકામાં એકથી ચાર ઇંચ જેટલો વરસાદ પડ્યો

03 July, 2022 12:25 IST | Ahmedabad | Shailesh Nayak
ગુજરાત સમાચાર

આ બે બહેનો છેલ્લાં ૨૧ વર્ષથી રથયાત્રાના ભાવિકો માટે ચા બનાવે છે

૭૩ વર્ષનાં શર્મિષ્ઠા પટેલ અને ૬૭ વર્ષનાં સુમિત્રા પ્રજાપતિ છેલ્લાં ૨૧ વર્ષથી રથયાત્રાના ભાવિકો માટે ચા બનાવે છે

02 July, 2022 09:49 IST | Ahmedabad | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK