° °

આજનું ઇ-પેપર
Tuesday, 15 June, 2021


ગુજરાત બીજેપીની બાગડોર સી. આર. પાટીલના હાથમાં

21 July, 2020 11:52 AM IST | Ahmedabad | Agencies

ગુજરાત બીજેપીની બાગડોર સી. આર. પાટીલના હાથમાં

સી. આર. પાટીલ

સી. આર. પાટીલ

રાજ્યમાં ઘણા દિવસથી પ્રદેશ પ્રમુખને લઈને ચાલતા ઘટનાક્રમનો આખરે અંત આવ્યો છે. ગુજરાતના પ્રદેશ પ્રમુખ તરીકે સી. આર. પાટીલની નિમણૂક કરવામાં આવી છે. જીતુ વાઘાણીનો કાર્યકાળ પૂરો થતો હોવાથી આ બદલાવ કરવામાં આવ્યો છે.

ગુજરાતમાં અટકળો વચ્ચે પ્રદેશ પ્રમુખ તરીકે એક નવું નામ બહાર આવ્યું છે. નવસારીના સંસદસભ્ય અને બીજેપીના કદાવર નેતા સી. આર. પાટીલને પક્ષે પ્રદેશ પ્રમુખનું પદ સોંપ્યું છે. ગુજરાતમાં તમામ જ્ઞાતિ સમીકરણોને બાજુમાં રાખી સી. આર. પાટીલને પ્રદેશ પ્રમુખ બનાવીને બીજેપીએ સૌરાષ્ટ્ર અને ઉત્તર ગુજરાતની લૉબીને ઝટકો આપ્યો છે. આગામી દિવસોમાં પેટાચૂંટણી છે ત્યારે પાટીલ માટે આ બેઠકો પર જીત મેળવવી એ સૌથી અઘરું છે. આ તમામ બેઠકો એ કૉન્ગ્રેસનો ગઢ છે.

તમને જણાવી દઈએ કે બીજેપીના પીઢ નેતા જીતુ વાઘાણીનો કાર્યકાળ પૂર્ણ થતો હોવાથી બીજેપીએ ગુજરાત માટે નવા પ્રદેશ પ્રમુખની શોધ માટે અભિયાન હાથ ધર્યું હતું.

ગુજરાતના નવા પ્રદેશ પ્રમુખ તરીકે હરિ ચૌધરી, શંકર ચૌધરી, મનસુખ માંડવિયા, ભુપેન્દ્રસિંહ ચુડાસમા તો ઉત્તર ગુજરાતમાંથી કે. સી. પટેલનું નામ રેસમાં આગળ હોવાનું સામે આવ્યું હતું, પરંતુ અચાનક જ ગુજરાત બીજેપીએ આર. સી. પાટીલની નિમણૂક કરી સૌકોઈને ચોંકાવી દીધા છે. સી. આર. પાટીલ ગઈ લોકસભામાં સૌથી વધુ મતથી જીતનારા ત્રીજા ક્રમના સંસદસભ્ય છે.

૧૯૮૮ સુધી ગુજરાતમાં પોલીસ કૉન્સ્ટેબલ તરીકે ફરજ બજાવનાર સી. આર. પાટીલે પોલીસમાંથી રાજીનામું આપીને બીજા વર્ષે પત્નીના નામે ડાઇંગ મિલ શરૂ કરી હતી. પાટીલ એ શાહ અને મોદીનો અંગત વિશ્વાસુ માણસ છે. મોદીએ વારાણસીના કૅમ્પેન માટે પણ પાટીલની પસંદગી કરી હતી, જેઓ મહિનાઓ સુધી સુરત છોડીને વારાણસીમાં રોકાયા હતા.

21 July, 2020 11:52 AM IST | Ahmedabad | Agencies

અન્ય લેખો

ગુજરાત સમાચાર

ગુજરાતમાં આગામી પાંચ દિવસ આ રાજ્યોમાં પડશે વરસાદ

હવામાન વિભાગે માછીમારોને પાંચ દિવસ દરિયો ન ખેડવાની સુચના આપી

15 June, 2021 02:08 IST | Gandhinagar | Gujarati Mid-day Online Correspondent
ગુજરાત સમાચાર

ગુજરાતમાં આજથી ‘લવ-જેહાદ કાયદો’ લાગુ, જાણો આ કાયદા અંગેની મહત્વની જોગવાઇ

ગુનો કરનાર, ગુનો કરાવનાર, ગુનામા મદદ કરનાર, ગુનામાં સલાહ આપનાર તમામને સમાન પ્રકારે દોષિત ગણાશે

15 June, 2021 02:50 IST | Gandhinagar | Gujarati Mid-day Online Correspondent
ગુજરાત સમાચાર

કેજરીવાલે અમદાવાદના ધાર્મિક સ્થાનમાં રાજકારણની વાતો છેડતાં ઊઠ્યા સવાલો

ગુજરાતમાં આમ આદમી પાર્ટી (આપ)ના પ્રદેશ કાર્યાલયનું ઉદ્ઘાટન કરવા ગઈ કાલે આવેલા પક્ષના વડા અરવિંદ કેજરીવાલે અમદાવાદમાં આવેલા ધાર્મિક સ્થળ વલ્લભ સદનમાં પ્રેસ કૉન્ફરન્સ યોજીને રાજકારણની વાત કરતાં સવાલો ઊઠ્યા છે.

15 June, 2021 01:20 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK