દુનિયાના સૌથી મોટા વિમાને આસમાનમાં ભરી સફળ ઉડાન, જાણો ખાસિયતો

કેલિફોર્નિયા | Apr 14, 2019, 17:41 IST

દુનિયાના સૌથી મોટા વિમાને આખરે પોતાની પહેલી સફળ ઉડાન ભરી છે. આ વિમાનને માઈક્રોસૉફ્ટના કૉ-ફાઉંડર પૉલ એલનની કંપનીએ બનાવ્યું છે.

દુનિયાના સૌથી મોટા વિમાને આસમાનમાં ભરી સફળ ઉડાન, જાણો ખાસિયતો
આ છે દુનિયાનું સૌથી મોટું વિમાન

માઈક્રોસૉફ્ટના સહ-સંસ્થાપક પૉલ એલનના વિશાળ જાદુઈ કરિશ્મા જેવા વિમાને શનિવારે પહેલી વાર આકાશમાં ઉડાન ભરીને ઈતિહાસ સર્જી દીધો. આ વિમાનની શરૂઆત 2011માં થઈ હતી. સ્ટ્રેટોલૉન્ચ સિસ્ટમના CEO જીન ફ્લોયડે પોતાની આ સફળતા પર ખુશી જાહેર કરતા કહ્યું કે આખરે અમે તે કરી બતાવ્યું જેની લાંબા સમયથી રાહ જોવામાં આવી રહી હતી. જો કે આ ખુશીમાં પૉલ એલનના ન હોવાનું દુઃખ પણ હતું.

આ પ્રોજેક્ટને શરૂ કરનાર પૉલ એલનનું નિધન 15 ઓક્ટોબર 2018ના 65 વર્ષની વયે થયું હતું. આ વિમાનના ટેસ્ટ પાયલટ ઈવાન થૉમસ(પૂર્વ ફાઈટર પાયલટ) હતા. આ વિમાને 274 કિલોમીટર પ્રતિ કલાકની ઝડપે ઉડાન ભરી અને હવામાં લગભગ 15 હજાર ફીટની ઉંચાઈ સુધી ગયું. તેનું લેંડિંગ પણ બેહદ ખૂબસૂરત રહ્યું. લગભગ અઢી કલાકના ફ્લાઈટ ટેસ્ટિંગમાં કોઈ જ સમસ્યા ન આવી.

તમને જણાવી દઈએ કે આ વિમાનને બનાવવાનો મૂળ હેતુ ધરતીથી 35 હજાર ફૂટની ઉંચાઈ પર સેટેલાઈટને લઈ જઈને સ્પેસમાં લૉન્ચ કરવાનો છે. એનાથી ઈંધણનો ખર્ચ તો બચશે જે, સાથે જ સેટેલાઈટ કે સ્પેસ મિશનને વધુ અંતર માટે મોકલી શકાશે. પૉલ એલને આને 'એર લૉન્ચ' નામ આપ્યું હતું. તમને જણાવી દઈએ કે ગયા વર્ષે આ વિમાન પહેલી વાર દુનિયાની સામે આવ્યું હતું. એ સમયે તેના એન્જિનનું ટેસ્ટિંગ કરવામાં આવ્યું હતું. આ વિમાનમાં 28 પૈડા લાગેલા છે.

વિમાનની ખાસિયત
આ વિમાન બે ભાગમાં વહેંચાયેલું છે. આ વિમાનનો વચ્ચેનો ભાગ સ્પેશ મિશન માટે રૉકેટ લૉન્ચ કરવા માટે વાપરી શકાશે. જ્યાં સુધી આ વિમાનથી સેટેલાઈટ લૉન્ચ કરવાની વાત છે ત્યાં સુધી આ માટે કંપનીએ પહેલાથી જ સમજૂતી કરેલી છે. તમને જણાવી દઈએ કે અત્યાર સુધી સેટેલાઈટને લૉન્ચ કરવા માટે ઘણો ખર્ચ થાય છે, પરંતુ આ વિમાનથી એવી આશાઓ રાખવામાં આવી રહી છે કે આનાથી સેટેલાઈટ રૉકેટ લૉન્ચ ઓછા ખર્ચે અને જલ્દી થશે.

આવું છે આ વિશાળ વિમાન
2011માં શરૂઆતના તબક્કામાં તેની અંદાજિત કિંમત 300 મિલિયન ડૉલર જણાવવામાં આવી હતી. આ વિમાનમાં છ એન્જિન લાગેલા છે જે તેને તાકાત આપે છે. આ વિમાન કાર્બન ફાઈબરથી બન્યું છે. આ સિવાય તેમાં બે કૉકપિટ છે. આ વિમાનના પાંખિયા કોઈ ફૂટબૉલના મેદાનથી પણ મોટા છે. આ વિમાનમાં 28 પૈડાં છે. આ વિમાનની ઉંચાઈ 50 ફીટ છે. તેના પાંખિયાની લંબાઈ 385 ફીટ છે. આ વિમાન હોવર્ડ હ્યુજેસના H-4 હર્ક્યુલિસ અને સોવિયેત સમયના કાર્હો પ્લેન એન્ટોનોવ N-255થી પણ મોટું છે. તેનું વચન જ સવા બે લાખ કિલો છે. આ વિમાન 1.3 મિલિયન પાઉંડ સુધીના વજન સાથે ઉડાન ભરી શકે છે. આ વિમાનની વધુમાં વધુ ઈંધણ ક્ષમતા 1.3 મિલિયન પાઉંડ છે.

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK