ગુજરાતમાં બનશે વિશ્વનો સૌથી ઊંચો બૌદ્ધ સ્તૂપ

Published: Nov 06, 2011, 02:12 IST

ટૂરિઝમને ડેવલપ કર્યા પછી મળેલો બેનિફિટ જોઈ ચૂકેલા ગુજરાતના મુખ્ય પ્રધાન નરેન્દ્ર મોદીએ હવે ઇન્ટરનૅશનલ ટૂરિસ્ટોને અટ્રૅક્ટ કરવાના ઇરાદે ગુજરાતમાં વિશ્વનો સૌથી ઊંચો ૩૫૧ ફૂટની હાઇટ ધરાવતો બૌદ્ધ સ્તૂપ બનાવવામાં આવશે એવી જાહેરાત કરી છે.



(રશ્મિન શાહ)

રાજકોટ, તા. ૫

આ બૌદ્ધ સ્તૂપની બાજુમાં ૧૫૧ ફૂટની ઊંચાઈ ધરાવતી બૌદ્ધની પ્રતિમા બનાવવાનો પણ નર્ણિય લેવામાં આવ્યો છે. એક હજાર કરોડ રૂપિયાના ખર્ચે તૈયાર થનારી આ બૌદ્ધ પ્રતિમા અને બૌદ્ધ સ્તૂપ ઉત્તર ગુજરાતના સાબરકાંઠા જિલ્લાના જગપ્રસિદ્ધ શામળાજીના મંદિરથી બે કિલોમીટર દૂર આવેલા દેવનીમોરી ગામ પાસે બનશે. આ માટે આ ગામ પાસે ૧૦૦ એકર જમીન પણ અલાયદી રખાવી દેવામાં આવી છે. ગુજરાત સરકારના ટૂરિઝમ મિનિસ્ટર જયનારાયણ વ્યાસે હકારાત્મક જવાબ આપતાં ગઈ કાલે ‘મિડ-ડે’ને કહ્યું હતું કે ‘ભગવાન બુદ્ધે વિશ્વભ્રમણ દરમ્યાન ગુજરાતમાં અનેક સ્થળોની મુલાકાત લીધી હતી. પુરાતત્વ ખાતાને દેવનીમોરી ગામ પાસેથી આ બાબતના પુરાવાઓ પણ મળ્યા છે. આ જ કારણોસર દેવનીમોરી ગામ પાસે બૌદ્ધ પ્રતિમા બનાવવાનું નક્કી કરવામાં આવ્યું છે.’

અત્યારે જે રીતે ગુજરાતમાં ચીન, જપાન, દક્ષિણ કોરિયા જેવા બૌદ્ધ ધર્મ ફૉલો કરતા દેશોનું ઇન્વેસ્ટમેન્ટ આવી રહ્યું છે એ જોઈને ગુજરાત સરકારે બૌદ્ધ સ્તૂપ અને બૌદ્ધ પ્રતિમા બનાવવાનું વિચાર્યું હોવાની શક્યતા પણ છે.

સૌથી ઊંચું સ્ટૅચ્યુ પણ ગુજરાતમાં

બૌદ્ધની પ્રતિમા બનાવવાનો નર્ણિય લેનારી ગુજરાત સરકારે આ અગાઉ ગુજરાતના દેવળિયા કૉલોની ગામે દુનિયાનું સૌથી ઊંચું સરદાર વલ્લભભાઈ પટેલનું સ્ટૅચ્યુ બનાવવાનું પણ નક્કી કર્યું છે. ૨૦૦૦ કરોડ રૂપિયાના ખર્ચે તૈયાર થનારા એ સ્ટૅચ્યુની ઊંચાઈ ૧૮૨ મીટર એટલે કે અંદાજે ૫૯૭ ફૂટની રહેશે.

 

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK