વિશ્વનું સૌથી મોંઘું બાથટબ

Published: Nov 15, 2011, 10:11 IST

ખાસ રત્નનો ઉપયોગ કરી બનાવવામાં આવેલું આ ટબ દુબઈમાં ૮ કરોડની જંગી કિંમતે વેચાયું


 

વિશ્વના આ સૌથી મોંઘા બાથટબની કિંમત ૧ મિલ્યન પાઉન્ડ (અંદાજે ૮ કરોડ રૂપિયા) છે. આ બાથટબ તાજેતરમાં દુબઈ ઇન્ટરનૅશનલ જ્વેલરી ફેસ્ટિવલમાં રજૂ કરવામાં આવ્યો હતો, જ્યાં એ ૮ કરોડ રૂપિયાની જંગી કિંમતે વેચાયો છે. લી ગ્રૅન્ડ ક્વીન નામના આ બાથટબની બનાવટમાં કૈજોઉ નામના ખાસ રત્નનો ઉપયોગ કરવામાં આવ્યો છે. કૈજોઉ નામનો જેમસ્ટોન બીમાર લોકોને સાજા કરવાની સૌથી વધુ ક્ષમતા (હીલિંગ પાવર) ધરાવે છે.

કૈજોઉ ગ્રુપનાં સેલ્સ અને માર્કેટિંગ ડિરેક્ટર રેકા પેરેસાએ કહ્યું હતું કે પ્રાચીન ચાઇનીઝ, અરબી અને ઇજિપ્ત સંસ્કૃતિમાં કૈજોઉનું ખૂબ જ મહત્વ હતું.

એ સમયના લોકો કૈજોઉના સૌંદર્ય તથા હીલિંગ પાવરથી વાકેફ હતા. તેઓ માનતા હતા કે કૈજોઉમાં પૃથ્વી અને બ્રહ્માંડની દસ કરોડ વર્ષની ઊર્જા રહેલી છે. કૈજોઉ રત્ન ઇન્ડોનેશિયામાં મળી આવે છે. પૃથ્વીના પેટાળમાં જ્વાળામુખીની પ્રક્રિયા દરમ્યાન એનું સર્જન થાય છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK