વર્લ્ડનું સૌથી વિશાળ કન્ટેનર શિપ
ADVERTISEMENT
ફૂટબૉલની ચાર પિચ જેટલી સાઇઝના આ જંગી શિપની લંબાઈ ૩૯૬ મીટરની છે. સીએમએ સીજીએમ માર્કો પોલો નામનું જહાજ રવિવારે શાંઘાઈથી બ્રિટનના નૉર્ધમ્પ્ટન બંદરે આવી પહોંચ્યું હતું. આ શિપ એકસાથે ૧૬,૦૦૦ કન્ટેનર્સ સમાવી શકે છે, એટલે કે જો આ તમામ કન્ટેનર્સને કતારમાં મૂકવામાં આવે તો એની લંબાઈ ૯૭ કિલોમીટર જેટલી થશે. આ જહાજ ક્રિસમસ ગિફ્ટ ભરેલાં કન્ટેનર્સ સાથે બ્રિટન આવ્યું હતું. બ્રિટનમાં ખાલી થયા બાદ એ જર્મની જવા માટે રવાના થશે. સાઉથ કોરિયામાં બનેલા એ જહાજનું કદ સાડાપાંચ ઍરબસ એ-૩૮૦ વિમાન જેટલું છે. વિશ્વનું સૌથી વિશાળ કન્ટેનર શિપ હોવાનો આ જહાજનો રેકૉર્ડ લાંબો સમય નહીં ટકે, કારણ કે તેનાથી પણ મોટું બીજું એક મહાકાય જહાજ આવતા વર્ષે લૉન્ચ થશે. આ જહાજ ૧૮,૦૦૦ કન્ટેનર્સ સમાવી શકશે.