મુંબઈનાં પશ્ચિમી ઉપનગરો સાંતાક્રુઝ, ઓશિવરામાં મહિલાઓ અસલામત

Published: Dec 30, 2011, 08:43 IST

શહેરનાં પશ્ચિમી પરાંમાં આવેલાં સાંતાક્રુઝ અને ઓશિવરા વિસ્તારના મુંબઈપોલીસે રજૂ કરેલા આંકડાઓ પ્રમાણે આ વિસ્તારમાં મહિલાઓ સૌથી વધુ અસલામત હોવાનું તારણ નીકળ્યું છે.

 

ગયા વર્ષની સરખામણીએ આ વર્ષે મહિલાઓ સામેની ગુનાખોરીમાં વધારો નોંધાયો છે એવા અખબારી અહેવાલો ડિસેમ્બરના મધ્યમાં જ વહેતા થયા હતા. મુંબઈપોલીસ દ્વારા જાહેર થયેલા આંકડાઓ પરથી આ અહેવાલો તૈયાર થયા હતા.

પોલીસના આંકડાઓનું વિશ્લેષણ કરીએ તો જાણવા મળે છે કે શહેરના કયા વિસ્તારો મહિલાઓ માટે સલામત છે. આ મુજબ ૩૦ નવેમ્બર સુધીમાં આ વર્ષે પોલીસે ઇન્ડિયન પીનલ કોડની કલમ ૩૭૬ અંતર્ગત ૪૭ કેસ બળાત્કારના નોંધ્યા હતા અને કલમ ૩૫૪ અંતર્ગત ૧૪૫ કેસ સતામણીના નોંધ્યા હતા.

પિશ્ચમ વિભાગ અંતર્ગત ૨૧ પોલીસ-સ્ટેશન છે, જેમાં આંબોલી પોલીસ-સ્ટેશનની હદમાં એક જૂથની મહિલાસભ્યોની અસામાજિક તત્વોએ છેડતી કરી હતી અને એને રોકવાના પ્રયાસમાં થયેલા ઝઘડામાં આ જૂથના કીનન સૅન્ટૉસ અને રુબેન ફર્નાન્ડિસની હત્યા થઈ હતી.

૨૦૧૦ના આંકડા સામે આ વર્ષે બળાત્કારના કેસમાં ૧૭.૫૪ ટકા, સતામણીના કેસમાં ૧૦ ટકા તથા છેડતીના કેસમાં ૧૨ ટકા વધારો નોંધાયો છે એવું પોલીસ પાસેથી જાણવા મળ્યું હતું.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK