આ સ્ત્રી અનુભવે છે એક દિવસમાં ૧૮૦ ઑર્ગેઝમ

Published: Nov 18, 2014, 03:15 IST

આ વિશ્વમાં જેટલા લોકો છે, કદાચ એટલી જ સંખ્યામાં રોગો પણ છે. દરરોજ ક્યાંક ને ક્યાંકથી એવા રોગની માહિતી આવે જેના વિશે જાણીને આપણું દિમાગ ચકરાવે ચડી જાય.



જેમ કે અમેરિકાના ઍરિઝોના રાજ્યની ત્રીસ વર્ષની કારા અનાયા કાર્લિસ નામની સ્ત્રીની જ વાત લો. આ બહેનને એવો રોગ થયો છે જેને લીધે તે રોજના લગભગ છ-સાત કલાક જાતીય ઉત્તેજના અનુભવે છે એટલું જ નહીં, ઉત્તેજનાના આ ગાળામાં એ જથ્થાબંધ વખત ઑર્ગેઝમ પર પણ પહોંચી જાય છે! ડૉક્ટરો આ દુર્લભ બીમારીને પર્સિસ્ટન્ટ જેનિટલ અરાઉઝલ ડિસઑર્ડર કહે છે, જેનો અત્યારે તો કોઈ ઇલાજ નથી. ત્રણ વર્ષ પહેલાં ગ્રોસરી સ્ટોરમાં ખરીદી કરતી વખતે અચાનક જાતીય ઉત્તેજના અનુભવાવા લાગી અને થોડી મિનિટોમાં તો તે ઑર્ગેઝમ પર પણ પહોંચી ગઈ. બસ, ત્યારથી તેની માઠી બેઠી છે. દસ વર્ષના ટેણિયાની મમ્મી એવી કારાનો હસબન્ડ તો મૂંઝાયેલો છે જ, પણ તે પોતેય આ બીમારીને કારણે ઘરમાં પુરાયેલી બેસી રહે છે.

અને આ છે ક્યારેય ઑર્ગેઝમ ન અનુભવતી યુવતી

woman-orgasms


એકદમ ઑપોઝિટ કહી શકાય એવો એક કિસ્સો છે બ્રિટનના બર્મિંગહૅમની ૧૯ વર્ષની મેગન વૉર્ડ નામની યુવતીનો. આ છોકરીએ પુખ્તતા પ્રાપ્ત કર્યા પછી ક્યારેય ઑર્ગેઝમનો અનુભવ કર્યો જ નથી. ચરમસીમાએ પહોંચવાની બધી જ રીતો અજમાવી જોયા પછીયે તે નિષ્ફળ રહી. એટલે તેણે ડૉક્ટરને બતાવ્યું તો તબીબોએ નિદાન કર્યું કે આ છોકરી ઍનૉર્ગેઝમિયા નામની દુર્લભ બીમારીથી પીડાય છે જેમાં દરદીને કોઈ કારણસર ચરમસીમા અનુભવાતી જ નથી. તબીબો કહે છે કે દર વીસમાંથી એકાદી સ્ત્રીને આવી તકલીફ થતી હોય છે જે સેક્સ-થેરપીથી દૂર થઈ જાય છે, પરંતુ આ મેગનને હજી સુધી સેક્સ-થેરપી પણ માફક નથી આવી.

Loading...
 

સંબંધિત સમાચાર

     
    This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK