હાંજા ગગડાવે એવી ઠંડી પડશે ગુજરાતમાં

Published: 9th December, 2014 04:55 IST

ઉત્તરીય પવનોની સીધી અસરરૂપે અને નીચેની સપાટી પર આવી ગયેલા સીબી ક્લાઉડના કારણે ગુજરાતમાં હાંજા ગગડી જાય એવી ઠંડી આ વીકથી શરૂ થવાની સંભાવના ગુજરાત હવામાન વિભાગે ગઈ કાલે વ્યક્ત કરી હતી.

આમ પણ ગુજરાતમાં ઉત્તરોત્તર ઠંડીમાં વધારો થઈ રહ્યો છે, પણ ગુજરાત હવામાન વિભાગની આગાહી અનુસાર આ વીક દરમ્યાન ગુજરાતના લઘુતમ તાપમાનમાં બેથી છ ડિગ્રી જેટલો ઘટાડો થાય એવી પૂરી શક્યતા છે.
ગઈ કાલે ગુજરાતનું સૌથી ઠંડું શહેર જૂનાગઢ રહ્યું હતું. જૂનાગઢનું લઘુતમ તાપમાન ૧૨.૩ ડિગ્રી નોંધાયું હતું; જ્યારે ગાંધીનગરમાં ૧૨.૫ ડિગ્રી, નલિયામાં ૧૩.૬ ડિગ્રી, અમદાવાદમાં ૧૪.૩ ડિગ્રી, ડીસામાં ૧૪.૪ ડિગ્રી, અમરેલી અને રાજકોટમાં ૧૫ ડિગ્રી, વલસાડમાં ૧૫.૧ ડિગ્રી, બરોડામાં ૧૫.૬ ડિગ્રી, સુરતમાં ૧૬.૮ ડિગ્રી અને ભુજમાં ૧૭ ડિગ્રી લઘુતમ તાપમાન નોંધાયું હતું.ગઈ કાલે ગિરનાર પર્વત પર મિનિમમ ટેમ્પરેચર ઘટીને છેક ૬.૯ ડિગ્રી સુધી પહોંચ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK