દારૂએ જીવ બચાવ્યો

Published: 25th December, 2012 06:07 IST

બ્રિટનમાં ડૉક્ટરોએ આલ્કોહોલના શૉટ દ્વારા દરદીનો જીવલેણ નીવડી શકે એવો હાર્ટનો પ્રૉબ્લેમ સૉલ્વ કર્યો



દારૂના નશાએ આમ તો લાખો લોકોના જીવ લીધા છે પણ બ્રિટનમાં ડૉક્ટરોએ દારૂની જ મદદથી એક વ્યક્તિનો જીવ બચાવ્યો હતો. બ્રિટનના બ્રિસ્ટલ શહેરમાં ૭૭ વર્ષના રોનાલ્ડ એલ્ડમના હાર્ટમાં કેટલાક હાનિકારક મસલ્સ હતા, જો આ મસલ્સ દૂર કરવામાં ન આવે તો તેમનો જીવ જોખમમાં મુકાઈ શકે એમ હતો.

બ્રિસ્ટલ હાર્ટ ઇન્સ્ટિટ્યૂટના ડૉક્ટરોએ પરંપરાગત પદ્ધતિથી એલ્ડમની સારવારનો પ્રયાસ કરી જોયો હતો, પણ તેમને સફળતા મળી ન હતી. એ પછી ડૉક્ટરોએ પ્યૉર આલ્કોહોલ દ્વારા કન્ટ્રોલ્ડ હાર્ટ અટૅક કર્યો હતો. આશ્ચર્યજનક રીતે આ અટૅકને કારણે હાર્ટના કેટલાક હાનિકારક મસલ્સનો નાશ થયો હતો. આ સર્જરીમાં ડૉક્ટરોએ કેથેટર (શરીરમાં દાખલ કરવા માટેની પાતળી ટ્યુબ)ની મદદથી એલ્ડમના હાર્ટમાં હાનિકારક મસલ્સ ધરાવતા ભાગમાં આલ્કોહોલના ટચૂકડા બલૂન દ્વારા બ્લાસ્ટ કર્યો હતો. આ પ્રક્રિયાને કારણે મસલ્સનો નાશ થયો હતો અને હાર્ટની કામગીરી નૉર્મલ થઈ હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK