મમતાને ફટકો, ખેલપ્રધાન લક્ષ્મી રતન શુક્લાનું રાજીનામું

પશ્ચિમ બંગાળનાં મુખ્ય પ્રધાન મમતા બૅનરજીને તેમના જન્મદિવસે જ એક જોરદાર ફટકો પડ્યો છે. અધિકારીબંધુઓ બાદ ટીએમસીના વધુ એક દિગ્ગજ નેતાએ પોતાના પદ પરથી રાજીનામું આપી દીધું છે. જોકે તેઓ પાર્ટીમાં યથાવત્ રહેશે.

મમતા સરકારમાં પ્રધાન રહી ચૂકેલા અને ભૂતપૂર્વ ક્રિકેટર એવા લક્ષ્મી રતન શુકલાએ પાર્ટીના જિલ્લાધ્યક્ષ પદ અને પ્રધાન પદેથી રાજીનામું આપી દેતાં ટીએમસીને વધુ એક ફટકો પડ્યો છે. શુક્લાએ પાર્ટીના તમામ પદો પરથી રાજીનામું આપી દીધું છે.