આ મોર કોનો?
ન્યુ ઝીલૅન્ડના વેલિંગ્ટન સિટીના રસ્તા પર ફરતા મળેલા મોરના માલિકને સ્થાનિક પ્રાણી સંગ્રહાલયના અધિકારીઓ શોધે છે. સ્થાનિક લોકોને શહેરના ન્યુલૅન્ડ્સ વિસ્તારમાં રસ્તા પર મોર ફરતો જોવા મળ્યો હતો. એ મોરની તસવીરો તેમણે સોશ્યલ મીડિયા પર પોસ્ટ કરી હતી. ભારત તથા અગ્નિ એશિયાના કેટલાક દેશો તથા મધ્ય આફ્રિકા મોરનાં મૂળ વતન છે. જંગલ ખાતાના કર્મચારીઓ એ મોરને પકડીને મોઆ ઍનિમલ વેલ્ફેર સેન્ટરમાં લઈ ગયા હતા. એ મોર માણસો સાથે હળીમળીને રહેતો હોવાથી પાળેલો હોય એવું લાગી રહ્યું છે. પાળેલો મોર ભૂલો પડી ગયો હોવાની શક્યતાને ધ્યાનમાં રાખતાં સોશ્યલ નેટવર્કિંગ સાઇટ ટ્વિટર પર પોસ્ટ લખીને જણાવ્યું છે કે ‘તમે મોરના માલિક હો કે માલિકને જાણનાર વ્યક્તિ હો તો મહેરબાની કરીને વેલિંગ્ટન સિટી કાઉન્સિલની ઑફિસનો સંપર્ક સાધો.’