આપણે નથી સાથે,લોકોમાં ભ્રમ ન ફેલાવો:BJPએ LJPને સ્પષ્ટ શબ્દોમાં જણાવ્યું
પ્રતીકાત્મક તસવીર
બિહાર વિધાનસભાની ચૂંટણીના પહેલા તબક્કાના મતદાનને માત્ર ૧૦ દિવસનો સમય બાકી છે ત્યારે બીજેપીએ સ્પષ્ટતા કરી છે. એલજેપી હવે એમના સંગઠનમાં નથી. બીજેપીના બિહારના ઇન્ચાર્જ ભુપેન્દર યાદવે કહ્યું હતું કે બીજેપી અને જનતા દળ યુનાઇટેડ સાથે મળીને ચૂંટણી લડી રહ્યું છે. નીતીશ કુમાર અમારા મુખ્ય પ્રધાનના ઉમેદવાર છે. શુક્રવારે ચિરાગ પાસવાને એવું કહ્યું હતું કે હું મોદીનો હનુમાન છું. હોમ મિનિસ્ટર અમિત શાહે કહ્યું હતું કે અમે ચિરાગ પાસવાનને સમજાવવાનો પ્રયત્ન કર્યો પરંતુ એમના વકતવ્યોને કારણે બાજી બગડી અને બિહારમાં એનડીએ ગઠબંધન તૂટી ગયું.