એક લગ્ન જેણે આખા ચીનમાં ચર્ચા જગાવી

Published: Nov 29, 2014, 05:01 IST

ચીન ભારે વિરોધાભાસોનો દેશ છે. આવા જ એક સમાચારે ગઈ કાલે આખા ચીનને ચર્ચા કરતો કરી મૂક્યો.

સમાચાર એવા હતા કે ત્યાંના લિઉ બાઉલી નામના એક બિઝનેસ ટાઇકૂને પોતાના દીકરા લિઉ હેનાં ભારે ધામધૂમથી લગ્ન કયાર઼્. આ ધામધૂમની વિગતો એવી હતી કે તેમણે આમંત્રિત મહેમાનો માટે એક લાખ રૂપિયાનું એક એવાં ૧૦૧ ટેબલ બુક કયાર઼્ હતાં. વળી મહેમાનોને આ ટેબલ સુધી દોરી જવા માટે બે-પાંચ નહીં બલકે પૂરી ૩૦ રોલ્સ રૉયસ ફૅન્ટમ ગાડીઓ કામે લગાડી હતી. મતલબ કે એક કરોડ રૂપિયા તો તેમણે માત્ર ટેબલ પાછળ ખર્ચી નાખેલા એટલું જ નહીં, મહેમાનો માટે ઑર્ડર કરાયેલી થાળીની કિંમત હતી એક લાખ રૂપિયા પર પ્લેટ.

નૉર્મલ દિવસોમાં સાવ સાધારણ રીતે રહેતા આ બિઝનેસ એનર્જી‍ અને રિયલ એસ્ટેટ ટાઇકૂન વિશે કહેવાય છે કે હૉન્ગકૉન્ગ અને મકાઉમાં તેમના કસીનો ચાલે છે એટલું જ નહીં, તે ધનાઢ્ય જુગારીઓને પણ નાણાં ઉછીનાં આપે છે. આ લગ્ને ચર્ચા એટલા માટે જગાવી છે કે હમણાં જ ચીની રાષ્ટ્રપતિ શી જિનપિંગે પૈસાનો ધુમાડો કરતા આવા માલેતુજારોની સામે લાલ આંખ કરવી શરૂ કરી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK