ડ્રગ માફિયા અલ ચાપોની પત્ની ને ભૂતપૂર્વ બ્યુટી ક્વીનની અમેરિકામાં ધરપકડ
પ્રતીકાત્મક તસવીર
જેલમાં પુરાયેલો દુનિયાનો સૌથી શક્તિશાળી ડ્રગ માફિયા અલ ચાપો ફરી ચર્ચામાં છે. અલ ચાપોની ૩૧ વર્ષની પત્ની અને ભૂતપૂર્વ બ્યુટી ક્વીન એમ્મા કોરોનેલ એઈસપુરોની અમેરિકામાં ધરપકડ કરાઈ છે. એમ્મા પર ગંભીર આરોપો મુકાયા છે. ૨૦૧૭માં અલ ચાપોએ એમ્મા સાથે લગ્ન કર્યાં હતાં. ૩૧ વર્ષની એમ્માની અમેરિકાના વૉશિંગ્ટન શહેરની બહાર ડલેસ ઍરપોર્ટ પરથી ધરપકડ કરવામાં આવી છે. તેના પર કોકિન, હેરોઇન સહિતના ડ્રગ્સનું વિતરણ કરવાનો આરોપ લગાવવામાં આવ્યો છે. આ સિવાય અલ ચાપોને ૨૦૧૫માં જેલમાંથી મુક્ત કરવા માટે મદદ કરવાનો આરોપ પણ મૂકવામાં આવ્યો છે.
