વિરારમાં ઘરની દીવાલ પડતાં સાત વર્ષના બાળકનું મોત, બે બહેનો જખમી

વિરારના હનુમાન નગરના ખાનીવડેમાં રહેતો સાત વર્ષનો છોકરો સાહિલ વાઘ અને તેની પાંચ વર્ષની બહેન નિધિ તથા પાંચ વર્ષની કઝિન બહેન અંકિતા રમી રહ્યાં હતાં ત્યારે અડધી બનેલી દીવાલ તેમના પર ખાબકતાં સાહિલે જીવ ગુમાવ્યો હતો, જ્યારે તેની બે બહેનો જખમી થઈ છે.

માંડવી પોલીસ સ્ટેશનના જણાવ્યા પ્રમાણે ‘પીડિતાના ઘરનું રિનોવેશન ચાલી રહ્યું હોવાથી જ્યારે બાળકો રમી રહ્યાં હતાં ત્યારે આ દીવાલ બાળકો પર તૂટી પડી હતી. પોલીસે આકસ્મિક મોતનો કેસ નોંધ્યો છે અને દીવાલ કેવી રીતે પડી શકે છે એ વિશે પૂછપરછ માટે કૉન્ટ્રૅક્ટરને બોલાવવામાં આવશે.’