Viral Video: પોલીસ અધિકારીએ સમજાવ્યું કે ATMથી કેવી રીતે માહિતી ચોરાય છે

Published: 24th November, 2020 21:23 IST | Gujarati Mid-day Online Correspondent | Mumbai

વીડિયોમાં મહારાષ્ટ્ર ઈન્ફોર્મેશન સેન્ટરના ડેપ્યુટી ડાયરેક્ટર દયાનંદ કાંબળેએ નાગરિકોને સાવચેત રહીને સમજાવ્યુ કે કઈ રીતે પોતાના એટીએમ કાર્ડની માહિતીને સલામત રાખી શકાય.

વીડિયોમાંથી લેવાયેલો ગ્રેબ
વીડિયોમાંથી લેવાયેલો ગ્રેબ

આજે સોશ્યલ મીડિયામાં એક વીડિયો વાયરલ થયો છે જેમાં એક પોલીસ અધિકારી સમજાવી રહ્યા છે કે એટીએમથી કઈ રીતે લોકોની માહિતી ચોરાય છે અને કૌભાંડીઓ કઈ રીતે તેનો દુરઉપયોગ કરે છે. વીડિયોમાં મહારાષ્ટ્ર ઈન્ફોર્મેશન સેન્ટરના ડેપ્યુટી ડાયરેક્ટર દયાનંદ કાંબળેએ નાગરિકોને સાવચેત રહીને સમજાવ્યુ કે કઈ રીતે પોતાના એટીએમ કાર્ડની માહિતીને સલામત રાખી શકાય.

કાંબળેએ સમજાવ્યું કે, કૌભાંડીઓ ડુપ્લિકેટ મશીન કાર્ડ ઈન્સરટર (જ્યાં આપણે કાર્ડ નાખીએ છીએ) ગોઠવે છે અને તેથી ગ્રાહકોનો એટીએમ પીન/પાસવર્ડ તેમને ખબર પડી જાય છે. ગ્રાહક તેનો એટીએમ કાર્ડ ઈન્સર્ટ કરે એટલે તેની સંપૂર્ણ ડિજીટલ માહિતી ચોરાઈ જાય છે. તેમ જ ગુનેગારો એટીએમ પીનને કેમેરાના મારફતથી પણ ચોરી શકે છે.

તમારી માહિતી સલામત રાખવા માટે કાંબળેએ કહ્યું કે, એટીએમ કાર્ડ ઈન્સરટર હલે છે કે નહીં તે જુઓ, તે બહાર નીકળી શકે છે કે નહીં તે તપાસો. તેમણે સલાહ આપી કે જ્યાં પીન નંબર રાખો ત્યારે કીપેડની ઉપર કંઈક ઢાકો કે હાથ રાખો જેથી કેમેરામાં તમારો પાસવર્ડ દેખાઈ ન આવે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK