આજથી મુંબઈનાં ૯ સેન્ટર પર ફરી વૅક્સિનેશન શરૂ
પ્રતીકાત્મક તસવીર
બે દિવસના ગેપ બાદ મુંબઈમાં આજથી ૯ સેન્ટર પર આરોગ્ય કર્મચારીઓને ફરીથી કોવિડ-19 વૅક્સિન આપવાની શરૂઆત કરાશે. મુંબઈ મહાનગરપાલિકાઅે આજથી સવારે ૯ વાગ્યાથી સાંજે પાંચ વાગ્યા દરમ્યાન રજિસ્ટ્રેશન કરાવનારા આરોગ્ય વિભાગના કર્મચારીઓને વૅક્સિન આપવાની જાહેરાત ગઈ કાલે કરી હતી. મુંબઈ મહાનગરપાલિકા ક્ષેત્રમાં આવેલાં ૯ સેન્ટરમાં ઊભા કરાયેલા ૪૦ બૂથ પર તબીબી અધિકારી, ડૉક્ટર, કર્મચારી અને નર્સ સહિતના આરોગ્ય સાથે સંકળાયેલા લોકો કોવિડ-19 અૅપમાં રજિસ્ટ્રેશન કરાવીને વૅક્સિનનો ડોઝ લઈ શકશે. મહારાષ્ટ્રમાં અઠવાડિયામાં ચાર દિવસ રસીકરણ કરવામાં આવશે.
