બાવીસ વર્ષ પહેલાં મોત થયેલું પરંતુ કબરમાંથી તાજું શબ મળ્યું
ઉત્તર પ્રદેશના બાંદા જિલ્લાના અટારા રોડ પાસેના કબ્રસ્તાનમાં બાવીસ વર્ષ પછી એક શબને કબરમાંથી બહાર કાઢવામાં આવ્યું છે. નવાઈની વાત એ છે કે આ શબ જરાય ગળ્યું નથી. એટલું જ નહીં, એની પર ઓઢાડેલું કફન પણ એવું જ સફેદ છે. સ્થાનિક લોકો આ ઘટનાને ચમત્કાર માને છે. વાત એમ હતી કે કબ્રસ્તાનમાં પાણી ભરાવાને કારણે એક કબર પાણીમાં સાવ જ ડૂબી જઈને ક્ષતિગ્રસ્ત થઈ ગઈ હતી. ત્યાંના રખેવાળોએ એ કબરને ખોદીને ફરીથી અંદર નાખવાની તૈયારી કરતાં પહેલાં જેની કબર હતી એના પરિજનોને સૂચિત કર્યા હતા. નાસિર અહમદ બાવીસ વર્ષ પહેલાં મૃત્યુ પામ્યા હતા અને તેના સંબંધીઓને બોલાાવવામાં આવ્યા હતા.
આ પણ વાંચોઃ 176 કિલોની મહિલા પોતાના પેટની ચરબી બતાડીને વર્ષે 9 લાખ રૂપિયા કમાઈ લે છે
ADVERTISEMENT
કૉફીન પરનો કીચડ સાફ કરીને જોયું તો અંદર સફેદ કફનમાં શબ લપેટાયેલું મળ્યું હતું. ન તો એ શબ સડ્યું કે પીગળ્યું હતું ન ગંધાયું હતું. સ્થાનિક મૌલવીઓની સલાહથી અહમદના શબને નજીકમાં કબર ખોદીને ફરીથી દફનાવવામાં આવ્યું હતું.
