૩૦૦ કરોડથી વધારે ઈ-મેઇલના પાસવર્ડ ચોરાયા?

Published: 7th February, 2021 14:21 IST | Gujarati Mid-day Correspondent | New Delhi

લિન્ક્ડઇન, માઇનક્રાફ્ટ, બાદૂ, પાસ્ટબિન અને બિટકૉઇનના યુઝર્સના ડેટાનો સમાવેશ

પ્રતીકાત્મક તસવીર
પ્રતીકાત્મક તસવીર

ઑનલાઇન સિસ્ટમ્સના પ્રસારમાં વૃદ્ધિ સાથે હેકિંગના પણ ઘણા પ્રકાર પ્રકાશમાં આવી રહ્યા છે. તાજેતરમાં ઑનલાઇન હેકિંગ ફોરમે ૩૦૦ કરોડથી વધારે ઈ-મેઇલના પાસવર્ડ લીક થયાનો દાવો કર્યો હતો. લીકેજનો ડેટા એક જ ઠેકાણે એકઠો કરવામાં  આવ્યો હોવાની શક્યતા દર્શાવતાં ફોરમે જણાવ્યું હતું કે તેમાં મુખ્યત્વે લિન્ક્ડઇન, માઇનક્રાફ્ટ, બાદૂ, પાસ્ટબિન અને બિટકોઇનના યુઝર્સના ડેટાનો સમાવેશ છે.

આ લીકેજમાં ગૂગલ અને નેટફ્લિક્સ માટે એક જ પાસવર્ડ વાપર્યો હોય તેમના ડેટા લીકેજનું પ્રમાણ સૌથી વધારે હોવાનું હેકિંગ ફોરમે જણાવ્યું હતું. સાઇબર ન્યુઝના એક રિપોર્ટ અનુસાર એ લીકેજને કમ્પાઇલેશન ઑફ મેની બ્રીચીઝ (સીઓએમબી) નામ આપવામાં આવ્યું છે. એ ડેટાને આર્કાઇવ કરીને પાસવર્ડ પ્રોટેક્ટેડ કન્ટેનરમાં રાખવામાં આવ્યો હોવાનું રિપોર્ટમાં જણાવવામાં આવ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK