શું તમે શોધી શકો છો આ બન્ને તસવીરોમાં 10 ફરક કયા છે?

Published: Sep 15, 2020, 20:13 IST | Gujarati Mid-Day Online Correspondent | Mumbai

ટ્વિટર યૂઝર્સે ઉત્સાહ સાથે પડકાર ઝીલ્યો અને બન્ને ચિત્રો વચ્ચેના 10થી વધારે ફરક શોધવામાં સફળ રહ્યા.

શું તમે શોધી શકો છો આ બન્ને તસવીરોમાં 10 ફરક કયા છે?
શું તમે શોધી શકો છો આ બન્ને તસવીરોમાં 10 ફરક કયા છે?

યુએસએ (USA)ની સેન્ટ્રલ ઇન્ટેલિજન્સ એજન્સી (CIA)એ ટ્વિટર પર એક તસવીર પોસ્ટ કરી અને લોકોને 10 ફરક શોધવા કહ્યા. ટ્વિટર યૂઝર્સે ઉત્સાહ સાથે પડકાર ઝીલ્યો અને બન્ને ચિત્રો વચ્ચેના 10થી વધારે ફરક શોધવામાં સફળ રહ્યા. સીઆઇએ બે તસવીરો શૅર કરી, જે જોવામાં એકસરખી જ લાગતી હતી, પણ એક તસવીરમાં 10 વસ્તુઓ ગાયબ હતી જે શોધવા માટે સીઆઇએએ પોતાના ફૉલોઅર્સની મદદ માગી.

એજન્સી દ્વારા શૅર કરવામાં આવેલી તસવીરોમાં, બિલ્ડિંગ્સ, કાર અને લોકોની સાથે એક શહેરનું દ્રશ્ય બતાવવામાં આવ્યું છે. બન્ને તસવીરો તમને એક સરખી જ લાગી શકે છે પણ ધ્યાનથી જોતાં તે એક તસવીરમાં નાની નાની વસ્તુઓ ગાયબ હશે તે જોવા મળશે.

તસવીરો શૅર કરતાં સીઆઇએએ પૂછ્યું, "પોતાના અવલોકન કૌશલનું પરીક્ષણ કરો, શું તમે નીચે આપેલી તસવીરમાં આવેલા 10 ફરક જોઇ શકો છો?"

માઇક્રોબ્લૉગિંગ પ્લેટફૉર્મ પર પોસ્ટ કર્યા પછી, "સ્પૉટ ધ ડિફરેન્સ" ચેતવણીએ 5,000થી વધારે લાઇક અને સેંકડો પ્રતિક્રિયાઓ મેળવી છે.

એક ટ્વિટર યૂઝરે લખ્યું, "મને લાગે છે કે મને તમારી સાથે કામ કરવું જોઇતું હતું, હું થોડીક જ સેકેન્ડ્સમાં 10 ડિફરેન્સ શોધી શક્યો છું." તો બીજા યૂઝરે લખ્યું, "હું નવમા પર આવીને અટકી ગયો છું."

CIAએ બુધવારે બન્ને તસવીરો વચ્ચેના 10 ડિફરેન્સિસ દર્શાવતી તસવીર શૅર કરી છે. તો કેટલાક લોકોએ એજન્સીને જણાવ્યું કે તે 10થી વધારે ફરક શોધવામાં સફળ રહ્યા છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK