એચ-૧બી વિઝામાં અમેરિકા ફેરફાર કરશે, હજારો ભારતીયોને અસર થશે

Published: 9th January, 2021 14:46 IST | Gujarati Mid-day Correspondent | Washington

વિઝા માટેના અંતિમ નિયમ ૮ જાન્યુઆરીના ફેડરલ રજિસ્ટરમાં પ્રકટ થશે

પ્રતીકાત્મક તસવીર
પ્રતીકાત્મક તસવીર

અમેરિકાએ એચ-૧બી વિઝા નિયમો માટેની પ્રક્રિયામાં બદલાવ કરવાની જાહેરાત કરી છે. નવી પ્રક્રિયા અંતર્ગત યુએસમાં કામકાજ માટેના પ્રચલિત એચ-૧બી વિઝા ફાળવણી માટે હાલની લૉટરી સિસ્ટમને બદલીને પગાર તેમ જ કુશળતા (સૅલરી અને સ્કીલ)ને પ્રાધાન્ય અપાશે. અધિકારીઓના જણાવ્યા મુજબ વિઝા માટેના અંતિમ નિયમ ૮ જાન્યુઆરીના ફેડરલ રજિસ્ટરમાં પ્રકટ થશે. વિઝા પ્રક્રિયામાં ફેરફારનો ઉદ્દેશ અમેરિકામાં શ્રમિકોનાં આર્થિક હિતોની સુરક્ષા કરવાનો છે. સાથે જ અસ્થાયી રોજગાર કાર્યક્રમથી ઉચ્ચ કુશળતા ધરાવતા વિદેશી કર્મચારીઓને પણ લાભ થાય તે સુનિશ્ચિત કરવાનો હેતુ છે.

યુએસ સિટિઝન અૅન્ડ ઇમિગ્રેશન સર્વિસે જણાવ્યા મુજબ એચ-૧બી વિઝા પસંદગી પ્રક્રિયામાં સંશોધનથી નોકરીદાતાઓને ઉચ્ચ વેતન તેમ જ ઉચ્ચ પદ માટે જાહેરાત આપવામાં પ્રોત્સાહન મળશે. સાથે જ કંપનીઓને જરૂરિયાત મુજબ કર્મચારીઓને રાખવા તેમ જ કંપનીને વૈશ્વિક સ્તરે પ્રતિસ્પર્ધી કાયમ રાખવાનો માર્ગ મોકળો થશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK