ગર્લફ્રેન્ડને બ્લૅકમેઇલ કરનાર યુએસ રિટર્ન સ્ટુડન્ટ પકડાયો
સ્વપ્નિલ કોલ્હાપુર ઇન્સ્ટિટ્યૂટ ઑફ ટેક્નૉલૉજીમાં અભ્યાસ કરતો હતો. આ જ ઇન્સ્ટિટ્યૂટમાં બાયોટેક્નૉલૉજીમાં માસ્ટર્સ ડિગ્રીનો અભ્યાસ કરી રહેલી એક યુવતી સાથે તેને ફ્રેન્ડશિપ થઈ હતી. એક વખત સ્વપ્નિલ તેને પોતાની કારમાં લઈ ગયો હતો અને કોલ્ડ ડ્રિન્ક પીવડાવ્યું હતું. ત્યાર બાદ સ્વપ્નિલ તેને હોટેલમાં લઈ ગયો હતો, જ્યાં પ્રપોઝ કરીને કઢંગી હાલતમાં તેની તસવીરો ખેંચી હતી.
પછી તેણે યુવતીને તેના ફોટોગ્રાફ્સ બતાવીને બ્લૅકમેઇલ કરવાનું શરૂ કર્યું હતું અને તેની પાસેથી દોઢ લાખ રૂપિયાની માગણી કરી હતી, પરંતુ યુવતીએ મચક ન આપતાં તેણે સોશ્યલ નેટવર્કિંગ વેબસાઇટ ફેસબુક પર તે યુવતીનો નકલી પ્રોફાઇલ બનાવી એના પર અશ્લિલ ફોટોગ્રાફ્સ અપલોડ કર્યા હતા. યુવતીએ તેની સામે પોલીસફરિયાદ નોંધાવ્યા બાદ પોલીસે તપાસ કરતાં જાણવા મળ્યું હતું કે તે અમેરિકામાં છે. ગઈ કાલે તે પાછો આવ્યો ત્યારે પોલીસે ઍરપોર્ટ પર જ તેની ધરપકડ કરી હતી.
