૨૦ ફુટ ઊંચે ગૅલરીમાંથી પડેલો ૩ વર્ષના છોકરાનો થયો ચમત્કારિક બચાવ
બાળકનો થયો ચમત્કારિક બચાવ
ખરેખર રામ રાખે તેને કોણ ચાખે એ કહેવત ફરી એક વાર ઉત્તર પ્રદેશના પ્રધાનપુરમાં ઘટી. શુક્રવારે ત્રણ વર્ષનો પર્વ તેના ઘરની ગૅલેરીમાં રમી રહ્યો હતો અને ત્યાંથી બૅલૅન્સ જતાં તે નીચે પડ્યો હતો. જોકે એ જ વખતે નીચેથી એક રિક્ષા બહુ ધીમી ગતિએ પસાર થઈ રહી હતી અને એમાં પર્વ ઝીલાઈ ગયો.એમ છતાં તેના પિતા આશીષ અને મમ્મી પૂર્ણિમા જૈન તરત જ તેને હૉસ્પિટલ લઈ ગયા હતા જ્યાં તેને સંપૂર્ણ સ્વસ્થ જાહેર કરાયો હતો.
આ પણ જુઓઃ આ છે દુનિયાના સૌથી મોંઘા હીરા, કિંમત જાણીને ભલભલાના છૂટી જશે પસીના
ADVERTISEMENT
તેમના ઘરની બહાર લાગેલા સીસીટીવી કૅમેરામાં જ્યારે દીકરાને પડવાનું દૃશ્ય તેમણે ચેક કર્યું તો પેરન્ટ્સના પગ તળેથી ધરતી સરકી ગઈ. જે દિલધડક ફિલ્મી સ્ટાઇલમાં રિક્ષાએ બાળકનો જીવ બચાવ્યો હતો એમાં જો એકાદ પળનો પણ આમતેમ ગોટાળો થયો હોત તો આજે સ્થિતિ જુદી હોત. આશીષ જૈન વેપારી છે અને તેમણે આ ફુટેજ જોયા પછી પેલા રિક્ષાવાળા મનોહર ભટ્ટને પાછો બોલાવ્યો હતો અને તેની રિક્ષા રિપૅર કરાવી આપવાનું કહ્યું હતું.
