ઉલ્હાસનગરના મતદારનું નામ મતદારયાદીમાં ૬૬ વખત
મુંબઈમાં ઘણા લોકોને પોતાનું નામ મતદારયાદીમાં નથી એવી ફરિયાદ હતી તો મૉન્ટી ટેકચંદાણીને વધુ વખત નામ હોવાને કારણે સમસ્યા થઈ હતી. ચૂંટણી-અધિકારીએ તેમના આઇડેન્ટિટી પ્રૂફની ચકાસણી કરીને તેમને મત આપવા દીધો હતો. પોતાના નામ આગળ તો ફોટો હતો જ, પરંતુ ૬૫ જેટલા અન્ય સ્ત્રી-પુરુષ મતદાતાઓના ફોટાગ્રાફની આગળ તેમનું નામ હતું જેમને તે કદી ઓળખતા પણ નહોતા. ઉંમર તથા જાતિની વિગતો પણ મૉન્ટી ટેકચંદાણીની જ હતી.
