લેડીઝ ટૉઇલેટમાં એન્ટ્રી કરવા બદલ હવેથી ભારતીય યુવકને મૅક્ડોનલ્ડ્સમાં નો-એન્ટ્રી

Published: 21st November, 2012 04:20 IST

બ્રિટનમાં મૅક્ડોનલ્ડ્સની તમામ ૧૨૦૦ રેસ્ટોરાંમાં પ્રવેશવા પર ભારતીય મૂળના એક યુવક પર બૅન મૂકવામાં આવ્યો છે.

કારણ એ છે કે સુખબીર સિંહ નામનો ૩૨ વર્ષનો યુવક આ ફેમસ રેસ્ટોરાંની એક બ્રાન્ચમાં લેડીઝ ટૉઇલેટમાં મહિલાઓની જાસૂસી કરતાં પકડાયો હતો. આ વર્ષે ફેબ્રુઆરીમાં સુખબીર સિંહ બર્મિંગહૅમ સિટીમાં આવેલી મૅક્ડોનલ્ડ્સની એક બ્રાન્ચમાં લેડીઝ ટૉઇલેટમાં ઘૂસી જતાં પકડાયો હતો. એ પછી તેને પોલીસને સોંપવામાં આવ્યો હતો. આ કેસની સુનાવણી બાદ સ્થાનિક મૅજિસ્ટ્રેટે તેને મૅક્ડોનલ્ડ્સની એક પણ રેસ્ટોરાંમાં નહીં પ્રવેશવાનો આદેશ આપ્યો છે. રેસ્ટોરાંમાં એક મહિલાએ આ વિશે સ્ટાફને ફરિયાદ કરી હતી. જોકે ત્યાં સુધીમાં સુખબીર ભાગી ગયો હતો, પણ સીસીટીવી ફુટેજને આધારે તેની ઓળખ થઈ હતી. એ પછી તમામ પોલીસ-સ્ટેશનોમાં તેની તસવીર પહોંચાડી દેવામાં આવી હતી. બ્રિટિશ પોલીસે ઘટનાના દસ દિવસ પછી સુખબીરને ઝડપી લીધો હતો. એ પછી કેટલીક અન્ય મહિલાઓએ પણ તેને લેડીઝ ટૉઇલેટમાં જોયો હોવાની ફરિયાદ કરી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK