શિવસેનાસુપ્રીમોનું પદ ફક્ત બાળ ઠાકરે માટે જ, ઉદ્ધવ હવે પ્રેસિડન્ટ કહેવાશે

Published: 1st December, 2012 07:54 IST

મુંબઈના અરબી સમુદ્રમાં બાળ ઠાકરેના અસ્થિવિસર્જન પછી શિવસેનાના એક્ઝિક્યુટિવ પ્રેસિડન્ટ ઉદ્ધવ ઠાકરેએ શિવસૈનિકોને પક્ષ તેમ જ સામાજિક કામગીરીમાં લાગી જવા હાકલ કરી છે. સોમવારથી ઉદ્ધવ ઠાકરે પોતે રાજ્યવ્યાપી યાત્રાનો પ્રારંભ કરશે.


Uddhav Thackeray


(સુજિત મહામુલકર)

મુંબઈ, તા. ૧



ઠાકરેપરિવારનાં સૂત્રોએ નામ ન જણાવવાની શરતે કહ્યું હતું કે ‘જાન્યુઆરીમાં નાશિકમાં આયોજિત પક્ષના મહાઅધિવેશનમાં ઉદ્ધવ ઠાકરે શિવસેનાના પ્રેસિડન્ટનો હોદ્દો સંભાળશે. તેઓ શિવસેનાસુપ્રીમો નહીં, પરંતુ શિવસેના પ્રેસિડન્ટ કહેવાશે.’

રશ્મિ ઠાકરે ‘સામના’નાં નવાં ટ્રસ્ટી

પક્ષનું સુકાન સંભાળતાં પહેલાં પ્રબોધ પ્રકાશનના ટ્રસ્ટીની એક બેઠક મળશે. શિવસેનાનું મુખપત્ર ગણાતું ‘સામના’ દૈનિક પણ આ પ્રકાશનના નામે જ પ્રસિદ્ધ થાય છે. એમાં ટ્રસ્ટી તરીકે ઉદ્ધવ ઠાકરેનાં પત્ની રશ્મિ ઠાકરેના નામનો પણ સમાવેશ કરવામાં આવશે. ‘સામના’ના તંત્રી તરીકે ઉદ્ધવનું નામ મૂકવામાં આવશે તો સ્થાપક તંત્રી તરીકે બાળ ઠાકરેનું નામ રાખવામાં આવશે. અત્યારે ઉદ્ધવ ઠાકરે, સુભાષ દેસાઈ તથા લીલાધર ડાકેનાં નામ ટ્રસ્ટી તરીકે છે.

મહાલક્ષ્મીના આશીર્વાદ

કોલ્હાપુરમાં આવેલા મહાલક્ષ્મી મંદિરમાં બાળ ઠાકરે પણ આશીર્વાદ લેવા જતા હતા. ત્રણ ડિસેમ્બરે પક્ષના પ્રેસિડન્ટ તરીકેની નવી જવાબદારી લેતાં પહેલાં ઉદ્ધવ ઠાકરે પત્ની સાથે કોલ્હાપુર જઈને મહાલક્ષ્મી માના આશીર્વાદ લેશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK