કાર પાર્કિંગમાં ભારતીય દંપતી વચ્ચે થયો ઝઘડો, પતિએ લઈ લીધો પત્નીનો જીવ
પ્રતિકાત્મક તસવીર
UAEમાં એક ભારતીયે ચાલૂ મારીને પોતાની પત્નીની હત્યા કરી. સ્થાનિક મીડિયા અનુસાર, ગયા સોમવારે અલ કુઓજ વિસ્તારના પાર્કિંગમાં બંને વચ્ચે ઝઘડો થઈ ગયો હતો. અને વાત એટલી વધી ગઈ કે 43 વર્ષીય ભારતીયએ પત્ની સી વિદ્યા ચંદ્રનને ચાકૂ મારી દીધું.
ભારતીયની ઓળખ માત્ર યૂસીના રૂપમાં કરવામાં આવી છે. દુબઈમાં રહેતા આ દંપત્તિની 16 વર્ષ અને 5 વર્ષની બે દીકરીઓ છે. જે કેરળમાં નાના-નાની સાથે રહે છે.
વિદ્યા ઓણમ પર કેરળ આવવાની હતી. તેના મોતના અહેવાલથી તેનો આખો પરિવાર શોકમાં છે.વિદ્યાના ભાઈ વિનયચંદ્રને કહ્યું કે, બે દિવસ પહેલા જ મે એની સાથે વાત કરી હતી. તે ઓણમમાં ઘરે આવવા માટે અને બાળકોને મળવા માટે ઉત્સાહિત હતી. મને વિશ્વાસ નથી થતો કે તે હવે અમારી વચ્ચે નથી.
આ પણ જુઓઃ ગોપી વહુ થી ગોપિકા સુધી, આવી છે Gia Manekની સફર....
ADVERTISEMENT
વિનયે એમ પણ જણાવ્યું કે વિદ્યા ઘરેલૂ હિંસાના સ્વીકાર હતી. તેમણે કહ્યું કે, તે માણસ મારી બહેનને લાંબા સમયથી પરેશાન કરતો હતો. મારી બહેને પોલીસમાં ફરિયાદ કરી હતી. બાદમાં કાઉન્સેલિંગથી સંબંધો સારા થઈ રહ્યા હતા. અમને ખબર નહોતી કે તેને મારી દેશે. મહત્વનું છે કે બંને દોઢ વર્ષ પહેલા દુબઈ ગયા હતા. યૂસીએ મોટી લોન લીધી હતી. જેને ચુકવવામાં મદદ કરવા માટે વિદ્યા પણ કેરલમાં પોતાની નોકરી છોડીને દુબઈ જવા માટે તૈયાર થઈ હતી.