ઓડિશામાં મળી આવ્યો અલભ્ય બે મોઢાળો સાપ
ઓડિસામાં મળ્યો બે મોઢાળો સાપ
ઓડિશાના કેઓન્ઝાર જિલ્લાના ધેન્કીકોટે ફૉરેસ્ટ રેન્જના ક્ષેત્રના એક ઘરમાંથી બે મોઢાળો સાપ મળ્યાનો વિડિયો સોશ્યલ મીડિયા પર વાઇરલ થયો છે. ગુરુવારે આ સાપ પકડાયાનો ૨૬ સેકન્ડનો વિડિયો ઇન્ડિયન ફૉરેસ્ટ સર્વિસના અધિકારી સુસાંત નંદાએ સોશ્યલ નેટવર્કિંગ સાઇટ ટ્વિટર પર શૅર કર્યો છે. આ સાપના બન્ને મોઢાં ખાવા માટે એકબીજા સાથે લડે છે. વિડિયોની નીચે લખેલી કૅપ્શનમાં સાપના રેસ્ક્યુ મિશનનું વર્ણન કર્યું છે. આ પ્રકારના સાપ બિહારમાં સૌથી વધારે હોય છે. ડરપોક પ્રકારના આ સાપને બિહારમાં સાખડ નામથી એળખવામાં આવે છે. અંગ્રેજીમાં વુલ્ફ સ્નૅક નામે ઓળખાતા આ સાપનું ઝૂઓલૉજિકલ નામ લાયકોડૉન છે. એની ઝેરી જાત લાયકોડૉન ઓલિક્સ અને બિનઝેરી જાત લાયકોડૉન કેપુસિનસ નામથી ઓળખાય છે.
