જન્મદિવસે વડાપ્રધાન નરેન્દ્ર મોદી શા માટે થઈ રહ્યાં ટ્વીટર પર ટ્રોલ?

Published: Sep 17, 2020, 13:05 IST | Gujarati Mid-day Online Correspondent | Mumbai

સોશ્યલ મીડિયા યુઝર્સ વડાપ્રધાનના જન્મદિવસે રાષ્ટ્રીય બેરોજગારી દિવસ કહી રહ્યાં છે

તસવીર સૌજન્ય: ટ્વીટર
તસવીર સૌજન્ય: ટ્વીટર

ભારતના વડાપ્રધાન નરેન્દ્ર મોદી (Narendra Modi)નો આજે એટલે કે 17 સપ્ટેમ્બરના રોજ 70મો જન્મદિવસ છે. સામાન્ય માણસો હોય કે દિગ્ગજો સહુ કોઈ વડાપ્રધાન મોદીને જન્મદિવસની શુભેચ્છાઓ મોકલી રહ્યાં છે. એક તરફ ટ્વીટર પર પહેલા નંબરે #HappyBirthdayPMModi ટ્રેન્ડ કરી રહ્યું છે. તો બીજા નંબરે #NationalUnemploymentDay ટ્રેન્ડ કરી રહ્યું છે. એક બાજુ વડાપ્રધાનને જન્મદિવસની શુભેચ્છાઓ આપવામાં આવી રહી છે અને બીજી બાજુ તેમને ટ્રોલ કરવામાં આવી રહ્યાં છે. સોશ્યલ મીડિયા યુઝર્સ વડાપ્રધાનના જન્મદિવસે રાષ્ટ્રીય બેરોજગારી દિવસ કહી રહ્યાં છે.

આજે ટ્વીટર પર પહેલા નંબરે #HappyBirthdayPMModi ટ્રેન્ડ કરી રહ્યું છે. જ્યારે બીજા નંબરે #NationalUnemploymentDay ટ્રેન્ડ કરી રહ્યું છે. યુઝર્સ કહી રહ્યાં છે કે, વડાપ્રધાન નરેન્દ્ર મોદીએ દેશના યુવાનોને બેરોજગાર કરી દીધા છે. સાથે જ ટ્વીટર પર જાતજાતના મિમ્સ મુક્યા છે.

દેશમાં વધતા જતા બેરોજગારી દરના વિરોધમાં અને રોજગાર પૂરા પાડવામાં અને સરકારની નિષ્ફળતાને ઉજાગર કરવા માટે રાષ્ટ્રીય બેરોજગાર દીવસ અથવા રાષ્ટ્રીય બેરોજગારી દિવસનો હેશટેગ વાપરવામાં આવી રહ્યો છે. આ અઠવાડિયું રાષ્ટ્રીય બેરોજગાર સપ્તહ તરીકે પણ ઉજવવામાં આવ્યું હતું અને તેનું આજે સમાપન થાય છે. એટલે લોકો #NationalUnemploymentDay સાથે વડાપ્રધાનને ટ્રોલ કરી રહ્યાં છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK