મિશિગનના ગર્વનરનો આરોપ, ગ્રેનેચ વ્હિટમરના અપહરણમાં ટ્રમ્પનો હાથ
ડોનાલ્ડ ટ્રમ્પ
અમેરિકામાં રાષ્ટ્રપતિની ચૂંટણીના દિવસો જેમ જેમ નજીક આવી રહ્યા છે એમ એમ ડોનલ્ડ ટ્રમ્પની સમસ્યા વધી રહી છે. તાજેતરમાં મિશિગનના ગર્વનર ગ્રેનેચ વ્હિટમરે ટ્રમ્પ પર ગંભીર આરોપ લગાવ્યો છે, તેના અપહરણની સાઝિશમાં ક્યાંકને ક્યાંક ટ્રમ્પનો હાથ હતો.
થોડા સમય પહેલાં પોલીસે વ્હિટમરના અપહરણના પ્રયાસને અસફળ કર્યો હતો અને આ સંદર્ભે પોલીસે ૧૩ લોકોની ધરપકડ પણ કરી હતી. ઉલ્લેખનીય છે કે ટ્રમ્પ અને વ્હિટમર વચ્ચે છત્રીસનો આંકડો છે. વોલ્વોરિન વૉચમેન મિલિશિયા ગ્રુપે મિશિગનના ગર્વનરના અપહરણની સાથે સ્ટેટ બિલ્ડિંગ પર હુમલો કરવા અને હિંસા ભડકાવવાની યોજના બનાવી હતી. વ્હિટમરે આરોપ લગાવ્યો કે ટ્રમ્પ ચરમપંથીઓના ગ્રુપને પ્રેરિત કરી રહ્યા છે. આ ઉપરાંત ટ્રમ્પના રાજમાં જાતિવાદી હિંસા વધી ગઈ છે. સામા પક્ષે વાઇટ હાઉસે આ આરોપોને નકાર્યા હતા.