આકાશમાં આવાં પ્લેન જોવા મળે એ દિવસો હવે દૂર નથી

Published: 11th August, 2012 08:09 IST

ત્રિકોણાકારનું વિમાન ૭૦૦થી વધારે પૅસેન્જરો સમાવી શકશે

 

 

 

નજીકના ભવિષ્યમાં હાલમાં જોવા મળતાં પ્લેન માત્ર આકાશ જ નહીં, ધરતી પરથી પણ અદૃશ્ય થઈ જાય તો નવાઈ નહીં. અમેરિકાની અવકાશ સંશોધન સંસ્થા નાસાએ મસમોટાં વિમાનો બનાવતી જાણતી કંપની બોઇંગની સાથે મળીને ફ્યુચર પ્લેન બનાવી લીધું છે. આ પ્લેન ત્રિકોણાકારનું છે. હાલના તબક્કે એક્સ-૪૮સી નામે ઓળખાતું આ પ્લેન ૨૨૫ કિલોમીટર પ્રતિ કલાકની ઝડપે ઊડી શકે છે.

 

નાસાએ એક સ્ટેટમેન્ટ બહાર પાડીને કહ્યું હતું કે આ પ્લેનની રેપ્લિકાની ટેસ્ટ-ફ્લાઇટ સફળ રહી હતી અને હવે ઓરિજિનલ સાઇઝના પ્લેનની ટેસ્ટ ફ્લાઇટ લેવામાં આવશે. નાસાના જણાવ્યા પ્રમાણે આગામી ૧૫-૨૦ વર્ષમાં આ પ્લેનનું પ્રોડક્શન શરૂ થવાની શક્યતા છે. આ પ્લેનમાં વધુમાં વધુ ૭૫૦ પૅસેન્જરો પ્રવાસ કરી શકશે. આ પ્લેન ૧૦,૦૦૦ ફૂટની ઊંચાઈ સુધી ઊડી શકે છે. જોકે આ પ્લેનનો માઇનસ પૉઇન્ટ એ છે કે એમાં પૅસેન્જરોની સંખ્યા વધારવા માટે વિન્ડો-સીટ રાખવામાં આવી નથી. તેથી વિન્ડો-સીટનો આગ્રહ રાખતા પૅસેન્જરોને આ પ્લેન કદાચ ઓછું પસંદ પડશે. બ્રિટનમાં બનાવવામાં આવેલા આ પ્લેનની વર્ષ દરમ્યાન એકથી વધારે વખત ટેસ્ટ કરવામાં આવશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK