આને કહેવાય જિગરી દોસ્તો...

Published: Jul 26, 2020, 09:40 IST | Mumbai correspondent | Mumbai Desk

લૉટરી લાગશે તો શૅર કરીશું એવું દોસ્તને કહેલુંઃ ૨૮ વર્ષ પછી ખરેખર ૧.૬૪ અબજની લૉટરી લાગી ત્યારે આ પ્રાઇઝ અડધોઅડધ શૅર કર્યું

અમેરિકાના વિસ્કોન્સિનમાં ટૉમ કૂક અને જોસેફ ફીની નામના બે જિગરી દોસ્તોએ પોતાનું નસીબ અજમાવવા માટે લૉટરીની ટિકિટ ખરીદવાનું શરૂ કર્યું ત્યારે નક્કી કરેલું કે બેમાંથી કોઈને પણ જે દિવસે લૉટરી લાગશે તો તેઓ શૅર કરશે. એમ જ ઇન્ફૉર્મ‍લ વાતોમાં જ નક્કી થયેલી વાતો વર્ષોના વહાણાં વીત્યે ભુલાઈ જાય એવું સંભવ હતું કેમ કે બન્ને દોસ્તો જુદા-જુદા શહેરમાં રહેવા લાગ્યા હતા. જોકે લગભગ ૨૮ વર્ષ બાદ ટૉમ કૂકને લૉટરી લાગી. આ લૉટરી પણ કેવી, કરોડોમાં એકને લાગે એવી. પાવરબૉલ જૅકપૉટ લગભગ ૨૯૨૦ લાખ કિસ્સામાં એકાદ વાર લાગે છે જે ટૉમને લાગી અને એમાં તેને બાવીસ મિલ્યન ડૉલર એટલે કે લગભગ ૧.૬૪ અબજ રૂપિયાનો જૅકપૉટ લાગ્યો હતો. આટલી મોટી લૉટરી લાગી હોવા છતાં ટૉમ વર્ષો પહેલાંનું પોતાનું પ્રોમિસ ભૂલ્યો નહીં. તેણે પોતાના દોસ્ત જોસેફને બોલાવીને અડધોઅડધ ઇનામ શૅર કર્યું હતું.
ટૅક્સ કાપીને બન્નેના ભાગે ૪૨.૬૮ કરોડ રૂપિયા આવ્યા હતા. ઇન્ટરનેટ પર આ બે ભાઇબંધોની યારીની હવે મિસાલ અપાઈ રહી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK