મહારાષ્ટ્ર: કોરોનાથી બચાવનાર PPE કિટની મદદે 780 ગ્રામ સોનાની કરી ચોરી
પ્રતીકાત્મક તસવીર
સમાચાર એજન્સી પીટીઆઇ પ્રમાણે, પોલીસે કહ્યું કે દુકાનમાં લગાડેલા સીસીટીવી કેમેરામાંથી મળેલી ફુટેજમાં દેખાય છે કે ચોર શૉકેસ અને કબાટમાં રાખેલા દાગીના ઉઠાવી રહ્યા છે.
કોરોનાવાયરસ જેવી ગંભીર બીમારીથી બચવામાં મદદ કરનાર ખાનગી સાધન પીપીઇ કિટનો ઉપયોગ કરીને ચોરીનો કેસ સામે આવ્યો છે. આ કેસ મહારાષ્ટ્રના સતારા જિલ્લાનો છે. પોલીસે મંગળવારે જણાવ્યું કે પીપીઇ કિટ પહેરેલી ચોરોએ સતારા જિલ્લામાં એક જ્વેલરી શૉપમાં પોતાની હાથ સફાઇ કરી અને 780 ગ્રામ સોનું લઈને ફરાર થઈ ગયા. ચોરના આ કારસ્તાન દુકાનમાં લાગેલા સીસીટીવી કેમેરામાં કેદ થયા છે.
ADVERTISEMENT
સમાચાર એજન્સી પીટીઆઇ પ્રમાણે, પોલીસે કહ્યું કે દુકાનમાં લાગેલા સીસીટીવી કેમેરામાંથી મળેલી ફુટેદમાં દેખાય છે કે ચોર શૉકેસ અને કબાટમાં રાખેલા દાગીના ઉઠાવી રહ્યા છે. આમાં દેખાય છે કે ચોર કૅપ, માસ્ક, પ્લાસ્ટિક જેકેટ અને હાથમોજાં પહેરીને દુકાનમાં ગયા અને જ્વેલરી ઉપાડીને લઈ ગયા. આ ઘટના બે દિવસ જૂની છે એવું કહેવામાં આવી રહી છે.
ફલટણ પોલીસ થાણેમાં દુકાનના માલિક તરફથી કેસ દાખલ કરાવવામાં આવ્યો છે. પોલીસે જણાવ્યું કે દુકાનના માલિકનું કહેવું છે કે ચોર 78 તોલા એટલે કે 780 ગ્રામ સોનું લઈને ગયા છે. તેમણે જણાવ્યું કે ચોર દુકાનની દીવાલ તોડીને અંદર ઘુસ્યા હતા.
