હૅરી પૉટર ફિલ્મ જેવો જ બુક સ્ટોર છે ચીનમાં

ચીનના સિચુઆનમાં પુસ્તકની એક દુકાન ખૂલી છે, જે હૅરી પૉટરની દુનિયા જેવી જ ભાસે છે. આ દુકાનની તુલના જે. કે. રોલિંગ દ્વારા તૈયાર કરવામાં આવેલી કાલ્પનિક દુનિયાનાં કેટલાંક દૃશ્યો સાથે કરવામાં આવી રહી છે.
શાંઘાઈના બે માળના આ સ્ટુડિયોને એક્સ પ્લસ લિવિંગના નામથી ડિઝાઇન કરવામાં આવ્યો છે. પુસ્તકોની આ દુકાનની રચના અને ખાસ કરીને જાદુઈ સીડીઓની ભુલભુલૈયાની તુલના લોકોએ હૅરી પૉટરની દુનિયા સાથે કરી છે. આ સ્ટોરમાં લગભગ ૮૦,૦૦૦ જેટલાં પુસ્તકો છે.