છૂંદણાંના શોખીન જર્મન દાદીમાનું આખું શરીર છે રંગબેરંગી
છૂંદણાંના શોખીન જર્મન દાદીમાનું આખું શરીર છે રંગબેરંગી
જર્મનીના લીપઝીગ શહેરમાં રહેતાં કર્સ્ટીન ટ્રિસ્ટાન નામનાં પંચાવન વર્ષનાં એક દાદીમાને છેલ્લાં પાંચ વર્ષથી છૂંદણાં ત્રોફાવવાનો શોખ જાગ્યો છે.
આટલા વખતમાં કર્સ્ટીને આખા શરીરને રંગબેરંગી છૂંદણાંથી ભરી દીધું છે અને અત્યારે તેમના શરીરનો ભાગ્યે જ કોઈ ભાગ ટૅટૂ વિનાનો બચ્યો હશે. તેમણે ગળાથી પગની આંગળીઓના છેડા સુધી આટલાં ટૅટૂ ચિતરાવવા માટે પાંચ વર્ષમાં ૩૦,૦૦૦ યુરો (અંદાજે ૨૫.૯૬ લાખ રૂપિયા)નો ખર્ચ કર્યો છે. આ પંચાવન વર્ષની મહિલાનું ઑનલાઇન ફૉલોઇંગ પણ જોરદાર છે. ઇન્સ્ટાગ્રામ અને પેઇડ ઑનલાઇન પ્લૅટફૉર્મ ‘ઓન્લીફૅન્સ’ પર તેમના એક લાખથી વધારે ચાહકો-પ્રશંસકો છે.