દેશનું નામ પણ કમલસ્તાન થાય એ દિવસો દૂર નથી, NCPના બીજેપી પર પ્રહારો

Published: 21st January, 2021 10:47 IST | Agencies | Mumbai

ડ્રૅગન વિવાદ : દેશનું નામ પણ કમલસ્તાન થાય એ દિવસો દૂર નથી, એનસીપીના બીજેપી પર પ્રહારો

દેશનું નામ પણ કમલસ્તાન થાય એ દિવસો દૂર નથી, NCPના બીજેપી પર પ્રહારો
દેશનું નામ પણ કમલસ્તાન થાય એ દિવસો દૂર નથી, NCPના બીજેપી પર પ્રહારો

ગુજરાત સરકારે ડ્રૅગન ફ્રૂટને નવું નામ `કમલમ‘ આપ્યું એને કારણે રાષ્ટ્રવાદી કૉન્ગ્રેસે બીજેપી પર પ્રહારો કર્યા છે. રાષ્ટ્રવાદી કૉન્ગ્રેસના મુખ્ય પ્રવક્તા મહેશ તાપસેએ ગઈ કાલે એક નિવેદનમાં જણાવ્યું હતું કે બીજેપી ફળો પર પણ પોતાનું બ્રૅન્ડિંગ કરે છે. હવે દેશનું નામ કમલસ્તાન કરવામાં આવે એ દિવસ દૂર નથી. બીજેપી દરેક ઠેકાણે તેમના ચૂંટણીના ચિહ્ન કમળનો પ્રચાર કરવા સક્રિય રહે છે.’
ગુજરાતના નવસારી, કચ્છ તેમ જ સૌરાષ્ટ્રમાં ડ્રૅગન ફ્રૂટની બાગાયતી વિશેષ પ્રમાણમાં થતી હોવાથી ડ્રૅગન ફ્રૂટની ઓળખ બદલવા ‘કમલમ’ નામે એની પેટન્ટના રજિસ્ટ્રેશન માટે ગુજરાત સરકારે અરજી કરી છે. એ બાબતે ગુજરાતના મુખ્ય પ્રધાન વિજય રૂપાણીએ જણાવ્યું હતું કે ‘ડ્રૅગન ફ્રૂટ નામને કારણે એ ચીનનું ફળ હોવાની છાપ ઊપસે છે. તેથી એને કમલમ નામ આપ્યું છે. નવા નામકરણ પાછળ કોઈ રાજકીય હેતુ નથી. ખેડૂતો કહે છે કે એ કમળ જેવું દેખાય છે તેથી એને કમલમ નામ આપવાનું નક્કી કર્યું છે.’  

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK