હૉસ્પિટલના સિક્યૉરિટી ગાર્ડની નોકરી કરે છે આ બિલ્લીમાસી
હૉસ્પિટલના સિક્યૉરિટી ગાર્ડની નોકરી કરે છે આ બિલ્લીમાસી
કોરોના વાઇરસના કાળમાં વિશ્વમાં અનેક લોકોના રોજગાર છિનવાઈ ગયા છે. રોજગાર મેળવવા લોકો તમામ સંભવ પ્રયાસ કરી રહ્યા છે એવામાં એક અજબ સમાચાર સામે આવ્યા છે. ઑસ્ટ્રેલિયામાં આવેલી એક હૉસ્પિટલમાં એક બિલ્લીમાસીને નોકરી મળી ગઈ છે.
ઑસ્ટ્રેલિયાના રિચમંડ શહેરમાં એપવર્થ હૉસ્પિટલ આવેલી છે, જેની સિક્યૉરિટી ટીમમાં આ આવારા બિલ્લીમાસીને નોકરી મળી ગઈ છે. હૉસ્પિટલ પ્રશાસનનું કહેવું છે કે છેલ્લા એક વર્ષથી એલવુડ નામની આ બિલાડી હૉસ્પિટલના ગેટ પર ઊભી રહ-ને આવતા જતા લોકોને જોતી રહેતી હતી આથી હૉસ્પિટલની સિક્યૉરિટી ટીમે એને પોતાની ટીમમાં સામેલ કરી એને આઇડી કાર્ડ આપ્યું છે, જેમાં એના ફોટો સાથે એનું નામ પણ લખેલું છે. આ નોકરીના પગાર સ્વરૂપે બિલ્લીમાસીને ખાવાનું આપવા ઉપરાંત એની યોગ્ય સારસંભાળ રાખવામાં આવી રહી છે.
