પોતાને આગથી બચાવનાર વ્યક્તિના પગ રીંછે પકડી લીધા
કેટલીક ઘટનાઓ જોઈને વિચાર આવે કે જંગલી પ્રાણીઓ પણ લાગણીની ભાષા બખૂબી સમજી શકે છે. સોશ્યલ મીડિયા પર એક ખૂબ જ હૃદયસ્પર્શી વિડિયો વાઇરલ થયો છે. જંગલમાં લાગેલી આગમાંથી એક શખસ રીંછના બચ્ચાનો જીવ બચાવે છે. રીંછનું આ બચ્ચું પછી એ શખસને પોતાનાથી દૂર જવા નથી દેતું અને તેના પગ પકડી લે છે. જીવનદાન આપનાર પ્રત્યે પ્રાણીઓ પણ લાગણી વ્યક્ત કરતાં હોય છે એ દર્શાવતો આ વિડિયો લોકોનને ખૂબ ગમી રહ્યો છે. જુલી કૅપિયેલોએ ટ્વિટર પર શૅર કરેલા આ વિડિયોને અત્યાર સુધીમાં ૬૮,૦૦૦ કરતાં વધુ વાર જોવામાં આવ્યો છે અને એને પાંચ હજાર કરતાં વધુ લાઇક્સ મળી છે.
જંગલમાં લાગેલી આગમાંથી રીંછના બચ્ચાને બચાવનાર શખસ જ્યારે જાય છે ત્યારે રીંછના બચ્ચાએ તેને જવા ન દેવા માટે પગ પકડી લીધા અને ઊછળીને તેનો હાથ પકડી લીધો. રીંછના બચ્ચાની લાગણી સમજીને તેને બચાવનારો શખસ પછી તેની સાથે થોડો સમય રહ્યો અને રમ્યો પણ ખરો.
