ઍરફોર્સમાં સામેલ થશે ૮૩ તેજસ વિમાન
તસવીર સૌજન્ય જાગરણ
સુરક્ષા બાબતો અંગેની મંત્રીમંડળ સમિતિ (સીસીએસ)એ આજે આશરે ૪૮,૦૦૦ કરોડ રૂપિયાના ખર્ચે ૮૩ તેજસ વિમાન ખરીદવાની મંજૂરી આપી હતી. સંરક્ષણ પ્રધાને ટ્વીટ કરીને જણાવ્યું હતું કે વડા પ્રધાન નરેન્દ્ર મોદીની અધ્યક્ષતા હેઠળની સીસીએસએ આજે ભારતીય વાયુસેનાના કાફલાના સ્વદેશી ફાઇટર જેટ – એલસીએ-તેજસને મજબૂત કરવા માટે આશરે ૪૮,૦૦૦ કરોડ રૂપિયાના સૌથી મોટા સ્થાનિક સંરક્ષણ સોદાને મંજૂરી આપી છે. આ સોદો ભારતીય સંરક્ષણ ઉત્પાદન ક્ષેત્રે આત્મનિર્ભર બનવા માટે ગેમ-ચેન્જર સાબિત થશે.