થાણે પાસે ટ્રેનમાંથી ધુમાડા નીકળતાં મુસાફરોની ભાગદોડ

Published: 29th December, 2014 05:42 IST

ગઈ કાલે બપોરે CST તરફ જતી સેન્ટ્રલ રેલવેની ફાસ્ટ ટ્રેનમાં ધડાકો થયા પછી ધુમાડાના ગોટેગોટા ઊડવા માંડતાં પ્રવાસીઓમાં ગભરાટ ફેલાયો હતો. આ ઘટના બાદ ટ્રેન મુલુંડ ખાતે ખાલી કરવામાં આવી હતી.


CST તરફ જતી ગાડી થાણે સ્ટેશનથી આગળ નીકળ્યા પછી પૅન્ટોગ્રાફ પછીના ડબ્બાની પાસેથી કંઈક ફૂટવાનો અવાજ આવ્યો હતો. આ ટ્રેન મુલુંડ સ્ટેશને પહોંચ્યા પછી ફરી મોટો ધડાકો થયો અને પૅન્ટોગ્રાફમાંથી ધુમાડો નીકળવા માંડ્યો. એથી પ્રવાસીઓ ખૂબ ગભરાયા હતા અને આખી ટ્રેન મુલુંડ સ્ટેશને ખાલી કરાવાઈ હતી.

આ બધી ધાંધલ ચાલતી હતી ત્યારે રેલવે તંત્ર તરફથી કોઈ સત્તાવાર અનાઉન્સમેન્ટ કરવામાં આવી નહોતી. આ ટ્રેનમાં ટેક્નિકલ ખામીને કારણે આ પ્રૉબ્લેમ થયો હતો, પરંતુ મુસાફરોને જાણ કરવામાં આવી નહીં હોવાથી લોકો ખૂબ ધૂંધવાટ અને અસંતોષ વ્યક્ત કરતા હતા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK